Psalm 102:3 - Pennsylvania Dutch Bible

³ Mei dawwa sinn am fagay vi shmohk, un mei gnocha am fabrenna vi im feiyah.

Psalm 102:3 Referans Kwoze

Jakobus 4:14

Vei du vaysht goah nix veyyich meiya. Vass is dei layva? Es is yusht vi da nevvel es sich veist fa en glenni zeit un no viddah fagayt.

Glawk-Leedah 1:13

Funn hohch drovva hott eah feiyah kshikt, eah hott's runnah in mei gnocha kshikt. Eah hott en net ausnannah gedu fa mei fees, un hott mich zrikk gedrayt. Eah hott mich falossa, un ich binn di gans zeit in shmatza.

Psalm 37:20

Avvah di gottlohsa zayla umkumma: Di feinda fumm Hah zayla sei vi shayni vayt-feldah, si zayla fagay—vi shmohk zayla si fagay.

Hiob 30:30

Mei haut drayt shvatz, un mei gnocha brenna mitt feevah.

Psalm 31:10

Mei layva is ausgvoahra deich mei dreebsawl, un mei yoahra sinn vennichah deich mei heiles; mei grefta falossa mich deich mei shulda, un mei gnocha sinn shvach.

Glawk-Leedah 3:4

Eah hott mei flaysh un haut ald gmacht, un hott mei gnocha fabrocha.

Psalm 119:83

Ich binn am vadda vi en leddah vei-sakk im shmohk, avvah doch ich habb dei gebodda nett fagessa.

Psalm 38:3

Es is nix ksundes in meim leib deich dei zann, un's is kenn fridda in mei gnocha deich mei sinda.

Psalm 27:9

Fashtekkel dei ksicht nett funn miah, dray dei gnecht nett vekk in zann; du es mei hilf voahsht. Faloss mich nett, un loss mich nett hokka, oh Gott funn mei saylichkeit.

Psalm 31:3

Du bisht mei felsa un mei greeks-gebei, fa da villa funn deim nohma, gay miah foah un fiah mich.