Psalm 102:2 - Pennsylvania Dutch Bible

² Fashtekkel dei ksicht nett funn miah, an di zeit funn mei noht. Dray dei oah zu miah, un gebb miah kshvind andvat vann ich roof.

Psalm 102:2 Referans Kwoze

Psalm 69:17

Fashtekkel dei ksicht nett funn deim gnecht; gebb miah kshvind andvat, fa ich binn in druvvel.

Jesoiya 8:17

Ich zayl voahra uf da Hah, deah es sei ksicht fashtekkeld fumm Jakob sei nohch-kummashaft. Ich du mei hofning in een.

Psalm 27:9

Fashtekkel dei ksicht nett funn miah, dray dei gnecht nett vekk in zann; du es mei hilf voahsht. Faloss mich nett, un loss mich nett hokka, oh Gott funn mei saylichkeit.

Psalm 104:29

Vann du dei ksicht fashtekkelsht, dann feicha si sich. Vann du iahra ohften vekk nemsht, dann gayn si doht un fagayn, un drayya zrikk zu shtawb.

Psalm 70:1

Dummel dich, oh Gott, un mach mich frei; kumm kshvind, oh Hah, un helf miah.

1. Korinther 10:13

Es is kenn fasuchung ivvah eich kumma es noch nett kumma is zumm mensh. Avvah Gott is shtandhaftich, un lost nimmand so hatt fasucht vadda es eah nett ufshtay kann digeyya. Avvah an di zeit funn di fasuchung gebt eah eich en vayk fa raus, so es diah ufshtay kennet digeyya.

Psalm 143:7

Gebb miah kshvind andvat, oh Hah, mei geisht hott kenn hofning. Fashtekkel dei ksicht nett funn miah, adda ich va vi selli es nunnah in's grawb gayn.

Psalm 71:2

Mach mich frei deich dei gerechtichkeit un helf miah raus; dray dei oah zu miah un mach mich saylich.

Jesoiya 43:2

Vann du deich's vassah gaysht, dann binn ich bei diah. Un vann du deich di revvahra gaysht zayld's vassah dich nett fasaufa. Vann du deich's feiyah lawfsht, zaylsht du nett gebrend sei, di flamm brend dich nett uf.

Psalm 40:13

Loss es kfellich sei zu diah, oh Hah, fa mich frei setza; dummel dich, oh Hah, un helf miah.

Psalm 31:2

Dray dei oah zu miah, un nemm mich kshvind aus di kfoah; Sei en shteikah felsa zu miah, en shteik greeks-gebei es mich frei macht.

Psalm 22:19

Avvah du, oh Hah, bleib nett veit vekk funn miah, oh du, mei Graft, kumm kshvind un helf miah.

Psalm 13:1

Vi lang, oh Hah? Zaylsht du mich fagessa fa'immah? Vi lang fashtekkelsht du dei ksicht funn miah?

Hiob 34:29

Avvah vann eah shtill bleibt, veah kann een fadamma? Vann eah sei ksicht fashtekkeld, veah kann een sayna? Doch is eah ivvah da mensh un ivvah di heida,

Hiob 7:21

Favass fagebsht du nett mei ivvah-dreddes, un nemsht mei sinda vekk? Ich zayl glei nunnah in da shtawb leiya, du zaylsht gukka fa mich, avvah ich zayl nimmi sei.”

Jesoiya 65:24

Eb si roofa, gebb ich andvat, diveil es si am shvetza sinn, heahrich si.

2. Mosi 2:23

Ivvah en langi zeit is da kaynich funn Egypta endlich kshtauva. Di Kinnah-Israel henn gyammaht ivvah iahra shveahri eahvet un henn naus groofa. Un iahra roofes fa hilf veyyich iahra shveahri eahvet is nuff zu Gott kumma.

2. Mosi 2:24

Gott hott iahra yammahres keaht, un hott sei bund mitt em Abraham, em Isaac un em Jakob gmeind.

Psalm 17:1

Heich mich ab, oh Hah, heich vann ich roof. Dray dei oah zu meim gebayt, es nett kumd funn uneahlichi leftz.