Psalm 100:4 - Pennsylvania Dutch Bible

⁴ Gaynd deich sei tempel-deahra un seind dankboah, un in sei hohf mitt lohb. Danket een un lohvet sei nohma.

Psalm 100:4 Referans Kwoze

Hebräer 13:15

Losset uns, dann, di gans zeit en lohb-opfah opfahra zu Gott deich een; sell is, di frucht funn leftz es sei nohma bekenna.

1. Chronik 29:13

Nau, unsah Gott, gevva miah dank zu diah, un lohb zu dei hallichah nohma.

Psalm 66:13

Fasell zayl ich in dei haus gay mitt brand-opfah, un uf opfahra zu diah vass ich fashprocha habb,

Jesoiya 35:10

Selli es da Hah frei gmacht hott kumma zrikk. Si gayn in Zion nei am singa, un ayvichi frayt zayld uf iahra kebb sei. Si sinn ufgnumma mitt freyyaheit un frayt; dreebsawl un heiles is fabei.

Psalm 96:2

Singet zumm Hah, un lohvet sei nohma; fakindichet sei saylichkeit dawk noch dawk.

1. Chronik 29:20

No hott da Dawfit ksawt zu di gans fasamling, “Lohvet da Hah, eiyah Gott.” No henn si awl da Hah, da Gott funn iahra foah-feddah glohbt. Si henn sich gebikt un sinn nunnah kfalla fannich da Hah un da kaynich.

Psalm 65:1

Oh Gott, im shtilla lohbt da mensh dich in Zion, un vass eah diah fashprocha hott vatt gedu.

Psalm 95:2

Vella dankboah fannich een kumma, un een preisa mitt fraylichi psaltah.

Psalm 96:8

Gevvet zumm Hah di hallichkeit es zu sei nohma heaht, bringet en opfah un kummet in sei tempel-hohf.

Psalm 99:3

Loss si dei grohsah un vundahboahrah nohma preisa— eah is heilich!

Psalm 122:2

Nau sinn unsah fees am shtay inseit dei doahra, oh Jerusalem.

Psalm 122:4

Datt is vo di shtamma nuff anna gayn, di shtamma fumm Hah, vi's gebodda is fa Israel, es si dank gevva sella im Hah sei nohma.