Psalm 10:5 - Pennsylvania Dutch Bible

⁵ Sei vayya drayya immah goot aus; eah is grohs-feelich un dei gericht is veit vekk funn vass eah fashtayt; eah macht shpott funn sei feinda.

Psalm 10:5 Referans Kwoze

Jesoiya 26:11

Oh Hah, dei hand is hohch ufkohva, avvah si sayna see nett. Loss si dei bekimmahnis sayna fa dei leit, un loss si sich shemma. Loss es feiyah es du haldsht fa dei feinda si fazeahra.

Psalm 12:5

Avvah da Hah sawkt, “Veil di shvacha nunnah gedredda sinn, un selli mitt noht am yammahra sinn, nau shtayn ich uf. Ich zayl hilf gevva zu eena, sell vass si en falanga henn difoah.”

Römer 3:16

Hinnich eena in iahrem vayk lossa si shawda un aylend.

Hosea 14:9

Veah hott veisheit? Eah fashtayt dee sacha. Veah hott eisicht? Eah fameikt si. Di vayya fumm Hah sinn recht; un di gerechta lawfa drinn, avvah di ivvah-dreddah shtolbahra drinn.

Hosea 9:9

Di sacha es di leit doon sinn grauslich, grawt vi in di dawwa funn Gibea. Gott zayld iahra ungettlichkeit nett fagessa, un zayld si shtrohfa fa iahra sinda.

Jesoiya 42:25

So hott eah sei gleedichah zann ausgleaht uf si, un da unfashtand es kumd funn greek. Dess hott si ohkshtekt mitt flamm, avvah si henn's nett fashtanna. Es hott si gebrend, avvah si henn's nett zu iahra hatz gnumma.

Jesoiya 28:15

Diah hend ksawt, “Miah henn en bund gmacht mitt em doht, un mitt em grawb. Vann si moll gans ivvahraus uf uns lohs gayn, dann zayld's uns fafayla, fa miah henn di leek un falshheit unsah fashtekkel-blatz gmacht.”

Jesoiya 10:1

Vay zu selli es unrechti ksetza macha, zu selli es unrechti gebodda uf shreiva,

Jesoiya 5:12

Si shpeela grohsi un glenni harfa, mitt tambourines un peifa, diveil es si vei drinka an iahra grohsi ess-feshta; avvah si bekimmahra sich nix um vass da Hah gedu hott, un fa'achta di eahvet funn sei hend.

Shpricha 24:1

Fagunn gottlohsi mennah nett, un vinsh nett fa bei eena sei;

Shpricha 15:24

Da vayk funn layva fiaht nuff-zuss fa selli mitt veisheit, so es si nett nunnah in's grawb gayn.

Shpricha 2:15

Iahra pawda sinn grumm, un iahra vayya sinn nett grawt.

Shpricha 2:13

funn selli es grawdi pawda falossa, un lawfa uf dunkli vayya,

Shpricha 1:19

So gayt's mitt alli-ebbah es greedich is fa feel sach, sell nemd's layva vekk funn selli es iahra sach so greeya.

1. Kaynicha 20:13

No is en brofayt zumm Ahab, da kaynich funn Israel, kumma un hott ksawt, “Dess is vass da Hah sawkt: ‘Saynsht du dee grohs drubb? Ich zayl see in dei hend gevva heit. No zaylsht du vissa es ich da Hah binn.’”

2. Samuel 5:6

Da Dawfit un sei greeks-mennah sinn noch Jerusalem ganga fa fechta mitt di Jebusiddah es datt gvoond henn. Di Jebusiddah henn ksawt zumm Dawfit, “Du zaylsht nett do rei kumma; even di blinda un di lohma kenna dich vekk halda.” Si henn gedenkt da Dawfit kann nett datt nei.

Richtah 9:38

No hott da Sebul ksawt zu eem, “Vo is dei grohs kshvetz nau? Du hosht ksawt, ‘Veah is da Abimelech es miah een deena sedda?’ Sinn dess nett di leit es du kshpass gmacht hosht difunn? Nau gay naus un fecht si!”

Richtah 9:27

Si sinn naus in di feldah ganga, henn drauva gegeddaht, henn si ausgedredda un henn vei gmacht. No henn si en grohs essa gmacht im tempel funn iahra gott. Datt henn si gessa un gedrunka un henn da Abimelech faflucht.

1. Mosi 6:12

Un Gott hott uf di eaht gegukt un hott ksenna vi ungerecht es see voah, veil awl's flaysh sich ungerecht gmacht hott in iahra lawf uf di eaht.

Hiob 24:23

Eah lost si layva unni furcht, un si henn roo, avvah eah hald sei awwa uf iahra vayya.

Psalm 73:3

Fa ich habb di shtolsa's fagund vo ich ksenna habb es es di gottlohsa so goot gayt.