Psalm 1:5 - Pennsylvania Dutch Bible

⁵ Fasell kenna di gottlohsa nett shtay im gericht, adda di sindah mitt di fasamling funn di gerechta.

Psalm 1:5 Referans Kwoze

Psalm 5:5

Di braekkah daufa nett fannich dei awwa shtay, du hasht awl selli es letz doon.

Matthäus 25:46

Un si gayn hee vo si ayvichlich kshtrohft vadda, avvah di gerechta gayn in's ayvich layva.”

Maleachi 3:18

Diah zaylet no viddah sayna vass fa en unnahshitt es es is zvishich di gerechta un ungerechta, zvishich selli es Gott deena un selli es nett doon.”

Matthäus 25:41

No zayld eah sawwa zu selli uf sei lingsi seit, ‘Gaynd funn miah vekk, diah fafluchti leit; gaynd in's ayvich feiyah es grisht is fa da Deivel un sei engel.

Lukas 21:36

Avvah vatshet di gans zeit, un baydet es diah's veaht sind fa dee sacha nett deich macha vo blatz nemma zayla, un fa fannich em Mensha Sohn shtay.”

Matthäus 25:32

Fannich eem vadda alli kshlechtah in alli lendah fasammeld, un eah fadayld si ayns fumm anra, vi en shohf-heedah di shohf fadayld funn di gays.

Matthäus 13:49

So zayld's sei am end funn di veld. Di engel kumma raus un fadayla di evila funn di gerechta,

Judas 1:15

fa alli-ebbah richta, un fa di gottlohsa shuldich macha fa awl iahra gottlohsi verka es si gedu henn in en gottlohsah vayk, un fa awl di veeshta vadda es gottlohsi sindah ksawt henn geyyich een.”

Psalm 26:9

Nemm mei sayl nett vekk mitt sindah, adda mei layva mitt mennah es bloot fagossa henn—

Psalm 9:16

Da Hah macht sich bekand bei sei gerichtes, un di gottlohsa vadda kfanga bei di eahvet funn iahra aykni hend. (Higgaion. Sela)

Psalm 24:3

Veah dauf uf em Hah sei hivvel gay? Veah dauf in seim heilicha-blatz shtay?