Philipper 4:7 - Pennsylvania Dutch Bible

⁷ Un da fridda funn Gott, vo haychah is es alles es miah fashtay kenna, zayld eiyah hatza un gedanka heeda deich Christus Jesus.

Philipper 4:7 Referans Kwoze

Johannes 14:27

Ich loss fridda bei eich; mei fridda gevvich zu eich; ich gebb eich da fridda nett vi di veld gebt. Losset eiyah hatza nett gedruvveld sei un feichet eich aw nett.

Jesoiya 26:3

Du haldsht selli in folkummanah fridda, es iahra gedanka uf diah halda, veil si sich falossa uf dich.

2. Thessalonicher 3:16

Nau vinsha miah es da Hah funn fridda selvaht, eich immah fridda gebt in alli vayya. Da Hah sei bei eich awl.

Kolosser 3:15

Un losset da fridda funn Gott di ivvah-hand havva in eiyah hatza. Zu demm sind diah raus groofa in aym leib. Seind dankboah.

Psalm 29:11

Da Hah gebt grefta zu sei leit; da Hah saykend sei leit mitt fridda.

Galater 5:22

Avvah di frucht fumm Geisht is leevi, frayt, fridda, geduld, freindlichkeit, goot-maynichkeit, glawva,

Römer 15:13

Ich bitt es da Gott funn hofning eich fild mitt frayt un fridda im glawva, so es diah vaxet in di hofning deich di graft fumm Heilicha Geisht.

Johannes 16:33

Ich habb eich dee sacha ksawt so es diah fridda havva sellet deich mich. In di veld zaylet diah dreebsawl havva, avvah froiyet eich, ich binn di veld ivvah-kumma.”

Römer 8:6

Vann di meind uf flayshlichi sacha ksetzt is fiaht sell zumm doht; avvah vann di meind uf da Geisht ksetzt is fiaht sell zu layva un fridda.

Römer 5:1

Fasell, siddah es miah gerecht gmacht sinn deich da glawva, henn miah fridda mitt Gott deich unsah Hah Jesus Christus.

Epheser 3:19

un es diah sei leevi einemma kennet, vass deefah gayt es ma fashtay kann, so es diah kfild vaddet mitt awl di folheit funn Gott.

Jesoiya 48:18

Vann du yusht acht gnumma hetsht funn mei gebodda, dann veah dei fridda gvest vi en revvah, un dei gerechtichkeit vi di vella fumm say.

Hiob 22:21

Nau gebb dich ivvah zu Gott un mach fridda mitt eem, no kumd feel goodes datt raus.

Römer 14:17

Fa's Reich-Gottes is nett essa un drinka, avvah gerechtichkeit, fridda un frayt im Heilicha Geisht.

Jesoiya 48:22

“Avvah fa di gottlohsa, hott's kenn fridda,” sawkt da Hah.

Di Offenbarung 1:4

Johannes, zu di sivva gmayna in Asia: Gnawt sei zu eich un fridda, funn demm vo is, vo voah un vo noch kumd, un funn di sivva Geishta es fannich sei kaynich-shtool sinn,

Lukas 1:79

fa helling gevva zu selli vo im dunkla hokka un vo im shadda fumm doht hokka, un eah zayld unsah fees uf da vayk funn fridda fiahra.”

2. Korinther 13:11

Endlich, leevi breedah, froiyet eich. Seind folkumma, seind gedrohsht, seind aynich, seind in fridda, no vatt da Gott funn leevi un fridda bei eich sei.

4. Mosi 6:26

da Hah soll sei ksicht zu diah drayya un diah fridda gevva.”’

Lukas 2:14

“Grohsi eah sei zu Gott im haychshta, un fridda uf di eaht unnich mensha, dee vo eah froh is mitt.”

Psalm 85:8

Ich zayl heicha vass Gott da Hah sawwa zayld; eah fashprecht fridda zu sei leit, sei saylichi, avvah si sella nett viddah zrikk gay zu iahra dumhayda.

Philipper 4:9

Selli sacha vass diah gland hend, adda eignumma hend, adda keaht hend, adda ksenna hend funn miah, selli doond. Un da Gott funn fridda vatt bei eich sei.

Shpricha 6:22

Vann du lawfsht, gayn si diah foah, vann du shlohfsht, vatsha si ivvah dich, un vann du uf veksht, shvetza si zu diah.

Jesoiya 26:12

Du shafsht fridda fa uns, Hah, alles es miah ausgricht henn hosht du gedu fa uns.

Shpricha 4:6

Faloss di veisheit nett, un see gebt acht uf dich; hald see leeblich, un see vatsht ivvah dich.

Römer 1:7

Zu awl selli in Rome vo Gott leebt un es raus groofa sinn fa heilich sei. Gnawt sei mitt eich un fridda funn Gott unsah Faddah, un em Hah, Jesus Christus.

Shpricha 2:11

Goodah fashtand zayld dich heeda, un eisicht zayld ivvah dich vatsha,

Nehemia 8:10

No hott eah ksawt zu eena, “Gaynd un esset goot ess-sach un drinket sees drinkes, un shikket samm zu selli es nix grisht henn. Deah dawk is heilich zu unsah Hah. Seind nett bedreebt, fa di frayt fumm Hah is eiyah graft.”

Jeremia 33:6

Avvah doch mach ich see viddah ksund un hayl see. Ich zayl mei leit hayla un si lossa in fridda un aus di kfoah layva.

Jesoiya 45:7

Ich mach di helling un aw's dunkla, ich mach fridda un aw druvvel. Ich, da Hah, du awl dee sacha.

Hebräer 13:20

Nau mawk da Gott funn fridda, deah vo deich's bloot fumm ayvicha bund unsah Hah Jesus, sellah grohs Shohf-Heedah, zrikk gebrocht hott funn di dohda,

Hiob 34:29

Avvah vann eah shtill bleibt, veah kann een fadamma? Vann eah sei ksicht fashtekkeld, veah kann een sayna? Doch is eah ivvah da mensh un ivvah di heida,

Di Offenbarung 2:17

Deah vo en oah hott, loss een heahra vass da Geisht sawkt zu di gmayna. Zu demm vo aushaybt un alles ivvah-kumd gevvich fumm fashtekkelda manna, un ich gebb eem en veisah shtay, mitt en neiyah nohma druff kshrivva. Un nimmand vayst sellah nohma vi yusht sellah vo en grikt.’

Judas 1:1

Judas, en gnecht funn Jesus Christus un en broodah fumm Jakobus, zu selli vo groofa sinn, vo heilich gmacht sinn bei em Faddah un vo kalda sinn in Jesus Christus.

Philipper 1:2

Gnawt sei mitt eich un fridda funn Gott unsah Faddah, un fumm Hah Jesus Christus.

Jeremia 32:16

Noch demm es ich da deed zumm Baruch, em Neria sei boo, gevva habb, habb ich dee vadda gebayda zumm Hah:

2. Korinther 10:5

Miah reisa di vanda runnah vo leit ufbauwa deich iahra eiyahres, un alli anri hohchi vanda es si hald funn vissa veyyich Gott. Miah nemma awl di gedanka fesht un macha si Christus heicha.

Philipper 1:1

Paulus un Timotheus, gnechta funn Jesus Christus, zu awl di saylicha in Christus Jesus vo an Philippi sinn un aw zu di bishofs un di mitt-deenah.

Philipper 4:19

Mei Gott zayld eich alles gevva es diah brauchet aus sei reichheit in di hallichkeit deich Christus Jesus.

Philipper 4:21

Greeset awl di glawvichi in Jesus Christus. Di breedah vo bei miah sinn greesa eich.