Philipper 3:16 - Pennsylvania Dutch Bible

¹⁶ Avvah, biss an sellah meik vo miah shund glangd henn, losset uns lawfa bei sellem meik, un losset uns gleicha psunna sei.

Philipper 3:16 Referans Kwoze

Kolosser 2:6

So dann, vi diah Jesus Christus ohgnumma hend, so lawfet in eem;

Di Offenbarung 3:3

Denk droh vass du grikt hosht un keaht hosht. Hald sell un du boos. Vann du nett vatsht dann kumm ich vi en deeb, un du zaylsht nett vissa velli shtund es ich uf dich kumm.

Galater 6:16

So feel es iahra lawf noch demm macha, uf eena is fridda un bamhatzichkeit, un uf em Israel funn Gott.

Römer 15:5

Ich bitt da Gott vo uns geduld un drohsht gebt, es eah eich aynichkeit gebt unnich nannah noch em foah-bild funn Jesus Christus.

Philipper 4:2

Ich famohn di Euodia un di Syntyche fa aynich sei mitt-nannah im Hah.

Philipper 2:2

dann folfillet mei frayt bei eiseida mitt-nannah, bei en gleichani leevi havva, un bei gans aynich sei mitt ay meind.

Philipper 1:27

Avvah losset eiyah layves-lawf so sei es es Effangaylium funn Christus veaht is. So es eb ich kumm un sayn eich, adda vekk bleib, ich heahra kann es diah am shtandhaftich shtay sind in aym geisht, un am aynich zammah shaffa sind fa da glawva fumm Effangaylium,

Römer 12:16

Seind aynich mitt-nannah; seind nett hohchmeedich, avvah haldet eich uf mitt di niddahra. Machet eich nett veis es diah shmeaht sind.

Galater 5:7

Diah voahret am so goot du. Veah hott eich fashvetzt un eich kalda funn di voahheit du?

Kolosser 4:2

Haldet oh im gebayt, vatshet un seind dankboah.