Philemon 1:4 - Pennsylvania Dutch Bible

⁴ Ich dank mei Gott un denk immah an dich in meina gebaydah,

Philemon 1:4 Referans Kwoze

Römer 1:8

Seahsht, dank ich mei Gott deich Jesus Christus fa eich awl, veil's fazayld vatt veyyich eiyah glawva ivvahrawlich in di veld.

Epheser 1:16

nett ufkeaht dank gevva fa eich un an eich denka in meina gebaydah.

2. Timotheus 1:3

Ich dank Gott, deah vo ich deen vi mei foah-eldra henn, mitt en blohk-frei sinn. Ich dank een vi ich an dich denk in meim gebayt dawk un nacht unni nohch lossa.

2. Thessalonicher 1:3

Miah sedda immah Gott danka fa eich, leevi breedah, vi's sich heaht, veil eiyah glawva am vundahboah vaxa is, un di leevi es alli-ebbah hott fa nannah is am graysah vadda.

1. Thessalonicher 1:2

Miah danka Gott immah fa eich awl un nayma eich in unsah gebaydah.

Kolosser 1:3

Miah danka Gott, da Faddah funn unsah Hah Jesus Christus, un bayda immah fa eich,

Philipper 1:3

Ich dank mei Gott alli-mohl es ich an eich denk.

Philemon 1:5

veil ich heah veyyich dei leevi un deim glawva es du hosht fa da Hah Jesus, un di leevi es du hosht fa awl di glawvicha.