Obadia 1:19 - Pennsylvania Dutch Bible

¹⁹ No zayla di leit funn di saut in di berga fumm Esau voona. Selli unna an di berga nohch, zayla's land funn di Philishtah ivvah-nemma. Si zayla di lendah fumm Ephraim un Samaria zrikk greeya, un da Benjamin nemd Gilead ivvah.

Obadia 1:19 Referans Kwoze

Amos 9:12

Dess is so es Israel ivvah-nemma kann vass ivvahrich is funn Edom, un aw awl di heida es als mei voahra.” Dess sawkt da Hah, deah es dess du zayld.

Jeremia 32:44

Leit zayla feldah kawfa mitt geld, un deeds zayla kseind un kseald vadda diveil es zeiya vatsha. Dess zayld blatz nemma im land funn Benjamin, in di shtetlen um Jerusalem rumm, in di shtett funn Juda, in di shtett drovva in di hivla un drunna in di deicha un in di shtett funn di saut. Ich zayl eena goot du un iahra lendah zrikk gevva zu eena,’ sawkt da Hah.”

Ezekiel 36:28

Diah zaylet im land voona es ich eiyah foah-feddah gevva habb; diah zaylet mei leit sei, un ich zayl eiyah Gott sei.

Micha 7:14

Du avvah, heet dei leit mitt deim shtokk, dee drubb shohf funn dei eahbshaft, dee es bei sich selvaht sinn im bush, un in di fruchtboahra feldah. Loss si vayda in Basan un in Gilead, so vi in di dawwa lang zrikk.

Amos 1:13

Dess is vass da Hah sawkt: “Fa di feel sinda funn di kinnah funn Ammon, even fa drei adda fiah, dann dray ich nett vekk funn si shtrohfa. Veil si di veibsleit uf em family vayk ufgrissa henn in Gilead so es si iahra land graysah macha kenna,

Amos 1:8

Ich butz da kaynich funn di shtatt Asdod vekk un aw sellah kaynich es da zeptah haybt in di shtatt Askalon. Ich zayl mei hand drayya geyyich di shtatt Ekron, biss di letshta funn di Philishtah doht sinn.” So sawkt Gott da Hah.

Ezekiel 25:16

dann dess is vass da Awlmechtich Hah sawkt: Ich zayl mei hand naus shtrekka geyyich di Philishtah, zayl di Krethiddah leit abshneida un di ivvahricha leit doht macha es am say nohch voona.

Jeremia 49:1

Veyyich di Ammoniddah: Dess is vass da Hah sawkt: “Hott Israel kenn kinnah? Hott see nimmand fa eahbshaft greeya? So favass hott see di leit es da Milkom deena, glost di leit funn Gad ivvah-nemma un in iahra shtett voona?

Psalm 69:35

Fa Gott zayld Zion helfa, un zayld di shtett in Juda ivvah bauwa; sei leit zayla datt voona un's ivvah-nemma.

Ezra 4:17

No hott da kaynich dess zrikk kshrivva: “Zumm hauptmann Rehum, em shreivah Shimshai un di ivvahricha funn eich in Samaria un selli west fumm Euphrates Revvah: fridda sei zu eich.

Ezra 4:2

sinn si zumm Serubabel un di evvahshti funn di families kumma un henn ksawt, “Losset uns eich helfa bauwa. Miah sucha eiyah Gott grawt vi diah doond, un voahra am opfahra macha zu eem evvah siddah es da Kaynich Asar-Haddon funn Assyria uns do heah gebrocht hott.”

1. Chronik 5:26

So hott da Gott funn Israel da geisht fumm Phul, da kaynich funn Assyria (es aw Thiglath-Pileser kaysa hott) ufkshtatt, un eah hott di Rubeniddah, di Gadiddah un di halb-shtamm fumm Manasse vekk gnumma. Eah hott si zu Halah, Habor, Hara un an da revvah funn Gosan gnumma, datt vo si sinn heit noch.

2. Kaynicha 17:24

Da kaynich funn Assyria hott leit rei gebrocht funn Babylon, Kutha, Avva, Hamath un Sepharvaim, un hott si in di shtett funn Samaria gedu im blatz funn di Israeliddah. So henn si Samaria ivvah-gnumma un henn in di shtett gvoond datt.

Joshua 15:33

Di shtett es niddahra gleyya henn unna an di hivla nohch voahra: Esthaol, Zora, Asna,

Joshua 15:21

Di shtett am saut end funn land funn Juda un sei nohch-kummashaft geyyich di lein mitt di Edomiddah voahra: Kabzeel, Eder, Jagur,

Joshua 13:31

Es hott aw dihelft funn Gilead eignumma mitt Astharoth un Edrei. Dess voahra di shtett im Og, da kaynich funn Basan, sei kaynich-reich. Dess land voah gevva zumm Manasse sei sohn, da Machir. Dihelft fumm Machir sei nohch-kummashaft hott dess land grikt kshlecht bei kshlecht.

Joshua 13:25

Iahra land voah Jaser, awl di shtett funn Gilead un dihelft funn di kinnah Ammon iahra land, so veit es Aroer, nayksht an Rabba.

4. Mosi 1:32

Di kinnah fumm Joseph: Di nohch-kummashaft fumm Ephraim: Awl di mennah funn zvansich yoah on nuff es fechta henn kenna im greek voahra nunnah kshrivva bei nohma noch iahra shtamma un families.