Nehemia 9:13 - Pennsylvania Dutch Bible

¹³ Du bisht runnah kumma uf da Berg Sinai, un hosht kshvetzt zu eena fumm himmel. Du hosht eena adninga un ksetza gevva es recht un voah sinn, richtes un gebodda es goot sinn.

Nehemia 9:13 Referans Kwoze

Psalm 119:160

Dei vatt is di gans voahheit, un awl funn dei gerechti adnunga sinn ayvich.

2. Mosi 20:1

No hott Gott awl dee vadda ksawt:

2. Mosi 19:11

un sich rishta fa da dritt dawk. Da dritt dawk kumd da Hah nunnah uf da Berg Sinai diveil es awl di leit vatsha.

Römer 7:16

Vann ich sell du vass ich nett du vill, dann doon ich zu gevva es es Ksetz goot is.

Habakuk 3:3

Gott is funn Theman kumma, un Sellah es Heilich is fumm Berg Pharan. (Sela) Sei hallichkeit fild di himla, un sei lohb fild di eaht.

Jesoiya 64:3

Vo du vundahboahri sacha gedu hosht es miah nett gegukt henn difoah, bisht du runnah kumma, un di berga henn kshiddeld fannich diah.

Jesoiya 64:1

Oh, ich vott du daytsht di himla ufreisa un daytsht runnah kumma, so es di berga shidla dayda fannich diah!

Psalm 119:137

Du bisht gerecht, oh Hah, un dei richtes is recht.

5. Mosi 33:2

Eah hott ksawt, “Da Hah is funn Sinai kumma, un is uf kumma ivvah si funn Seir vi di sunn; eah hott raus ksheind fumm Berg Pharan. Eah is kumma mitt dausends funn heilichi, un en feiyahrich ksetz voah an sei rechtsi hand.

5. Mosi 5:4

Eah hott kshvetzt zu eich ksicht zu ksicht am berg aus em feiyah.

5. Mosi 4:33

Hott ennich annah folk selayva di shtimm funn Gott keaht shvetza aus em feiyah vi diah hend, un hott alsnoch ohkalda layva?

5. Mosi 4:8

Un vass fa annah grohs folk hott gebodda un adnunga es so gerecht sinn es dess gans ksetz es ich am fannich eich setza binn heit?

2. Mosi 20:22

Da Hah hott ksawt zumm Mosi, “Dess is vass du sawwa solsht zu di Kinnah-Israel, ‘Diah hend ksenna fa eich selvaht es ich kshvetzt habb mitt eich fumm himmel.

2. Mosi 16:23

No hott eah ksawt zu eena, “Dess is vass da Hah gebodda hott, ‘Meiya is da Sabbat-Dawk, en heilichah roo-dawk zumm Hah. So bakket vass diah bakka vellet, un kochet vass diah kocha vellet, un vass ivvahrich is, haldet's biss meiya.’”

5. Mosi 4:36

Eah hott eich glost sei shtimm heahra fumm himmel so es eah eich lanna kann fa eem heicha; do uf di eaht hott eah eich glost sei heilich feiyah sayna, un diah hend sei vadda keaht aus em feiyah kumma.

Psalm 119:4

Du hosht dei adnunga nunnah glaykt, un si sella fleisich kalda sei.

2. Kaynicha 17:37

Diah misset immah acht gevva un di adninga, di zeiknisa, di ksetza un di gebodda halda es eah ufkshrivva hott fa eich. Doond kenn anri gettah firchta.

Ezra 7:6

Dess voah da Ezra es ruff kumma is funn Babylon. Eah voah en shrift-geleahrah un voah goot gland im Ksetz fumm Mosi es da Hah, da Gott funn Israel, gevva katt hott. Da kaynich hott eem alles gevva es eah kfrohkt hott difoah, veil di hand fumm Hah sei Gott uf eem voah.