Nahum 2:8 - Pennsylvania Dutch Bible

⁸ Nineveh is vi en vassah-loch, un iahra vassah is am fatt lawfa. “Shtobbet, shtobbet,” Roofa si, avvah nimmand drayt zrikk.

Nahum 2:8 Referans Kwoze

Di Offenbarung 17:15

No hott da engel ksawt zu miah, “Di vassahra es du ksenna hosht, datt vo di huah hokt, sinn mensha un drubba funn leit—alli sadda leit mitt alli sadda shprohcha.

Di Offenbarung 17:1

No is ayns funn di sivva engel es di sivva shisla katt henn zu miah kumma un hott ksawt, “Kumm, ich veis diah da shtrohf funn di grohs huah vo an feel vassahra hokt.

Nahum 3:17

Dei greeks-gnechta sinn vi locusts, un dei foah-gengah vi locusts am shvoahma es uf di vand hokka uf en kaldah dawk. Avvah vann di sunn raus kumd dann fleeya si fatt, un nimmand vayst vo si sinn.

Jeremia 51:30

Babylon iahra greeks-gnechta henn ufkeaht fechta, si missa in iahra fashteikti bletz bleiva. Si henn kenn grefta may un sinn matt, si sinn vadda vi veibsleit. Babylon iahra heisah sinn ohkshtekt mitt feiyah, iahra doah-rikla sinn fabrocha.

Jeremia 50:16

Losset di leit funn Babylon iahra sohma nett sayya, un losset si iahra eahn nett shneida. Deich's shvatt funn di nunnah-dreddah datt, zayla awl di ausahra zrikk zu iahra aykni leit gay; alli-ebbah gayt zrikk zu sei ayya land.

Jeremia 46:5

Avvah vass doon ich sayna?” sawkt da Hah. “Si sinn fagelshtaht, si sinn am vekk shpringa, iahra mechtichi mennah sinn gebodda. Si shpringa kshvind fatt, unni zrikk gukka, angsht is ivvahrawlich.

Jesoiya 48:20

Falosset Babylon, shpringet funn di Chaldayah! Greishet dess naus mitt frayt un losset's vissa. Shikket's vatt naus zu's end funn di eaht, un sawwet, “Da Hah hott sei gnecht da Jakob frei-kshteld.”

Jesoiya 47:13

Du bisht meet mitt feel roht es du griksht; loss di voah-sawwah foah kumma, selli es broffetzeiya bei di shtanna, un bei di neiya moona. Loss si uf shtay, un shtobba vass uf dich kumma zayld.

Jesoiya 13:14

Vi en hash es di hundah am hunda sinn, adda vi en shohf es kenn heedah hott, zayld alli-ebbah zrikk drayya zu sei aykni leit, un alli-ebbah zayld zrikk gay zu sei ayya land.

1. Mosi 10:11

Funn demm land is eah naus ganga in's land Assur, un hott di shtett Nineveh, Rehoboth un Kalah gebaut.

Jeremia 51:13

Diah es bei di feel vassahra voonet, un sind oahrich reich, di zeit funn eiyah end is kumma, eiyah layves-fawda vatt abkshnidda.

Jeremia 47:3

vann si di geil heahra kumma zu shpringa, un di yacht funn di greeks-veyya, mitt iahra reddah am rabla. Di feddah zayla sich nett zu iahra kinnah drayya fa eena helfa; iahra hend henka nunnah un sinn matt.

Nahum 1:1

Dess sinn brofayt-vadda veyyich Nineveh. Es buch funn di vision es da Nahum funn Elkosh katt hott.

Jesoiya 38:14

Ich habb gepiffa vi en shvalma un en vassah-fokkel, un habb gyammaht vi en daddel-daub; mei awwa voahra shvach vi ich nuff gegukt habb. Ich binn gedruvveld, oh Hah, helf miah!”

Jesoiya 59:11

Miah gnarra vi beahra, miah yammahra vi dauva; miah gukka fa unsah recht, avvah finna's nett, fa saylichkeit, avvah's is veit vekk.