Micha 1:7 - Pennsylvania Dutch Bible

⁷ Awl iahra abgettah zayla fabrocha sei, un awl iahra tempel-lohn vatt fabrend mitt feiyah. Ich zayl awl iahra abgott-gleichnisa nunnah reisa. See hott iahra huahra-lohn zammah ksammeld, un's vatt viddah gyoost fa huahra-lohn.”

Micha 1:7 Referans Kwoze

5. Mosi 23:18

Diah sellet's huahra-lohn-geld funn en manskal adda veibsmensh huah nett in's haus fumm Hah eiyah Gott bringa, even fa en fashprechnis-opfah. Da Hah hast si awl zvay.

Hosea 2:12

Ich mach iahra drauva-shtekk un feiya-baym doht gay, dee es see ksawt hott es iahra lohn voah, da lohn es iahra lusht-mennah iahra gevva henn. Ich mach deah lohn in en vildahnis, es di vilda diahra fressa zayla.

Di Offenbarung 18:3

Di leit in alli lendah henn gedrunka fumm vei funn iahra zann un huahrahrei. Di kaynicha funn di eaht henn huahrahrei gedrivva mitt iahra, un di kawf-leit funn di eaht sinn reich vadda funn iahra grohsah vohlusht.”

Hosea 8:6

Dess kalb is aus Israel kumma, en shaff-mann hott's gmacht, es is nett Gott. So zayld dess kalb funn Samaria in shtikkah fabrocha sei.

Di Offenbarung 18:9

Di kaynicha funn di eaht vo huahrahrei gedrivva henn mitt iahra un en dayl katt henn in iahra lushtboah layva, zayla da shmohk sayna funn iahra am ufbrenna. No doon si veina un heila ivvah see.

Joel 3:3

Si henn's lohs gezowwa fa mei leit un henn boova kandeld fa huahra; si henn mayt fakawft fa vei so es si drinka kenna.

Hosea 2:5

Iahra maemm hott huahrahrei gedrivva, see hott si gedrawwa in shohm. See hott ksawt, ‘Ich zayl mei lusht-mennah nohch gay, si gevva miah ess-sach un vassah, vull un flax, un ayl un vei.’

Jesoiya 27:9

Dess is dann vi em Jakob sei sind fagevva vatt, un dess zayld di frucht difunn sei, es sei sinda vekk gnumma voahra: Vann eah moll di awldah-shtay macht vi ufgmawlani kallich-shtay, un kenn Ashera-poshta un insens awldahra may datt shtayn.

2. Chronik 31:1

Vo awl dess faddich voah, sinn di Israeliddah es datt voahra naus in di shtett funn Juda ganga. Si henn di abgettah-shtay fabrocha un di Ashera-gleichnisa nunnah kakt. Si henn di hohcha-bletz un di awldahs nunnah grissa ivvahrawlich deich Juda, Benjamin, Ephraim un Manasse. Vo si faddich voahra awl dee nunnah reisa, sinn di leit funn Israel viddah zrikk in iahra aykni shtett un lendah ganga.

5. Mosi 9:21

Ich habb eiyah sindlich ding gnumma, sell kalb es diah gmacht katt hend, un habb's fabrend im feiyah. No habb ich's fabrocha un habb's fei ufgmawla so vi shtawb. Ich habb no da shtawb in di grikk kshmissa es runnah gloffa is fumm berg.

3. Mosi 26:30

Ich zayl eiyah hohchi getza-bletz zammah reisa un eiyah insens awldahra nunnah shneida, un eiyah dohdi leivah uf eiyah dohdi abgettah shmeisa. Diah zaylet en aykel sei zu miah.

1. Samuel 5:4

Avvah vo si free uf kshtanna sinn da neksht meiya, gevislich, datt voah da Dagon nunnah kfalla uf sei ksicht uf em bodda fannich di Bundes-Lawt fumm Hah. Sei kobb un hend voahra abkshnidda un voahra uf di shvell fumm doah gleyya. Yusht sei leib voah ivvahrich.

Jesoiya 2:18

un di abgettah vadda nimmi ksenna.

Jesoiya 23:17

Am end funn sivvatzich yoah zayld da Hah zrikk gay zu Tyrus. No gayt see viddah zrikk zu iahra aldi vayya un laynd sich naus zu awl di kaynich-reicha uf di eaht.

Ezekiel 6:6

Vo-evvah es diah voonet, zayla di shtett faveesht vadda un di hohcha-bletz leah gmacht sei, so es eiyah awldahra faveesht un leah gmacht vadda, eiyah abgettah fabrocha un fadauva vadda, eiyah insens awldahra nunnah gebrocha vadda, un sell vass diah gmacht hend zu nix gedrayt vatt.

Hosea 2:14

“So nau zayl ich see zu miah lokka; ich fiah see in di vildahnis, un shvetz freindlich zu iahra.

Hosea 8:5

Shmeis dei abgott-kalb naus, oh Samaria! Mei zann brend geyyich si. Vi lang zayld's ummeeklich sei es si rein vadda?