Matthäus 8:18 - Pennsylvania Dutch Bible

¹⁸ Nau vo Jesus so feel leit ksenna hott um sich rumm, hott eah's vatt gevva fa uf di annah seit fumm say gay.

Matthäus 8:18 Referans Kwoze

Lukas 8:22

No ay dawk is eah in en boat ganga mitt sei yingah un hott ksawt zu eena, “Vella nivvah uf di annah seit fumm say gay.” No sinn si naus kshteaht,

Johannes 6:15

Vo Jesus fameikt hott es si kumma zayla un hand ohlayya an eem fa een kaynich macha, hott eah datt falossa un is viddah laynich nuff uf da hivvel ganga.

Markus 4:35

Un sellah dawk, vo ohvet kumma is, hott Jesus ksawt zu di yingah, “Vella nivvah uf di annah seit gay.”

Matthäus 14:22

No hott eah di yingah gmacht in's boat gay un hott si nivvah uf di annah seit kshikt diveil es eah di leit haym kshikt hott.

Markus 8:13

Eah hott si no falossa, is viddah in's boat un is nivvah uf di annah seit fumm say ganga.

Markus 6:45

No grawt hott eah sei yingah ksawt fa in's boat nei gay, un nivvah uf di annah seit in Bethsaida gay, diveil es eah zrikk bleibt un shikt di leit fatt.

Markus 5:21

Vo Jesus viddah nivvah uf di annah seit kumma is im boat, henn feel leit sich um een rumm fasammeld, un eah voah datt nayvich em say.

Matthäus 8:1

Vo Jesus runnah kumma is fumm berg sinn feel leit eem nohch ganga.