Matthäus 5:7 - Pennsylvania Dutch Bible

⁷ Ksaykend sinn selli vo bamhatzich sinn. Si zayla bamhatzichkeit greeya.

Matthäus 5:7 Referans Kwoze

Epheser 4:32

Seind bamhatzich un vayyich-hatzich zu nannah; fagevvet nannah grawt vi Gott eich fagevva hott in Christus.

2. Samuel 22:26

Zu di shtandhafticha, veisht du dich shtandhaftich, zu di unshuldicha, veisht du dich unshuldich.

Psalm 18:25

Geyyich di heilicha bisht du heilich, un geyyich di unshuldicha bisht du unshuldich.

Jakobus 2:13

Fa's zayld en unbamhatzich gericht uf sellah kumma vo kenn bamhatzichkeit veist, un di bamhatzichkeit froit sich ivvah's gericht.

Jakobus 3:17

Avvah di veisheit funn ovva-heah is seahsht rein, no fridlich, freindlich, mitt-leidich, foll bamhatzichkeit un goodi frucht, unni unnahshitt un is unni falshheit.

Kolosser 3:12

So es vi selli vo raus groofa sinn bei Gott, un vo heilich un leeblich sinn, doond eich oh mitt hatzlichi bamhatzichkeit, freindlichkeit, daymoot, sanftmoot un geduld.

Lukas 6:35

Avvah leevet eiyah feinda, un doond goot; laynet, un gukket nett fa ebbes zrikk havva, no zayld eiyah fadeensht grohs sei, un diah zaylet di kinnah fumm Alli-Haychshta sei, veil eah goot-maynich is zu di undankboahra un di baysa.

Micha 6:8

Es is diah ksawt, oh mensh, vass goot is, un vass da Hah foddaht funn diah. Du solsht leit recht yoosa un bamhatzich sei zu eena, un daymeedich lawfa mitt deim Gott.

Shpricha 19:17

Sellah es bamhatzich is zu di oahma, is am layna zumm Hah, un eah zayld een zrikk betzawla fa vass eah gedu hott.

Hebräer 6:10

Fa Gott is nett ungerecht es eah fagest veyyich eiyah verka un eahvet in di leevi es diah gedu hend in sei nohma, vo diah di saylicha kolfa hend, un sind alsnoch am si helfa.

Daniel 4:27

Fasell, oh kaynich, nemm mei roht oh: Heah uf sindicha un du vass recht is; shtobb dei ungerechtichkeit un sei bamhatzich zu di nunnah-gedreddana. No fleicht hald's oh diah goot gay.”

Hebräer 4:16

Fasell, vella uns nett feicha fannich da kaynich-shtool funn gnawt kumma, so es miah bamhatzichkeit greeya, un gnawt finna fa uns helfa an di zeit vann miah's noht henn.

Shpricha 11:17

En bamhatzichah mann dutt sich selvaht goot, avvah en unfashtendlichah mann dutt sich shawda.

1. Petrus 2:10

An ay zeit voahret diah nett Gott sei leit, avvah nau sind diah sei leit; an ay zeit voah Gott nett bamhatzich zu eich, avvah nau is eah bamhatzich zu eich.

Markus 11:25

Un vann diah shtaynd am bayda un hend ebbes geyyich ebbah, fagevvet een, so es eiyah Faddah im Himmel eich eiyah faylah aw fagebt.

Shpricha 14:21

Sellah es nunnah gukt uf sei nochbah, sindicht, avvah sellah es bamhatzich is zu di oahma is ksaykend.

Hosea 2:1

“Sawwet zu eiyah breedah, ‘Ammi—Mei leit’ un zu eiyah shveshtahra, ‘Ruhama—Diah hend bamhatzichkeit.’”

Psalm 112:9

Eah fadayld sei sach aus un gebt geahn zu di oahma, sei gerechtichkeit bleibt fa'immah; eah zayld graft havva un in hohchi eah shtay.

Psalm 112:4

Es licht kumd im dunkla fa di ufrichticha, eah is gnaydich, bamhatzich un gerecht.

Psalm 37:26

Si sinn immah goot-maynich un layna geahn, un iahra kinnah sinn ksaykend.

1. Timotheus 1:13

Even noch demm es ich een eahshtah faleshtaht, fafolkt un veeshtahlich geblohkt habb, voah eah bamhatzich zu miah, veil ich nett gvist habb vass ich am du voah, un habb's gedu in unglawva.

1. Korinther 7:25

Nau veyyich leddichi mayt havvich kenn gebott fumm Hah. Avvah ich gebb mei mayning, so vi aynah es deich em Hah sei bamhatzichkeit shtandhaftich is.

1. Timotheus 1:16

Avvah grawt fa selli uahsach is bamhatzichkeit miah gevva vadda, so es in miah, da shlimsht funn di sindah, Jesus Christus sei geduld veisa kann un en foah-bild macha zu selli vo an een glawva fa ayvich layva.

Hosea 2:23

Ich zayl see in's land blansa fa mich selvaht; ich zayl leevi veisa zu selli es ich ‘Nett mei beleebdi’ kaysa habb. Un ich zayl sawwa zu selli es ich ‘Nett mei leit’ kaysa habb, ‘Diah sind mei leit’. Un si zayla sawwa, ‘Du bisht mei Gott.’”

Hosea 1:6

Di Gomer is viddah uf em family vayk vadda un hott en glay maydli katt. No hott da Hah ksawt zumm Hosea, “Hays see Lo-Ruhama, veil ich kenn bamhatzichkeit may veisa zayl zumm haus funn Israel un zayl si nimmi fagevva.

Jesoiya 57:1

Di gerechta kumma um, un nimmand nemd's zu hatz; gettlichi mennah vadda vekk gnumma, un nimmand fashtayt's es di gerechta vekk gnumma sinn fa si aus di kfoah fumm evila halda.

2. Korinther 4:1

Fasell, veil miah so en deensht henn deich di bamhatzichkeit, dann vatt's uns nett falayt.

Römer 11:30

Grawt vi diah an aynra zeit Gott nett geglawbt hend, un hend bamhatzichkeit grikt deich iahra unglawva,

2. Samuel 17:28

Dee drei henn dess shtoft gebrocht: beddah, shisla un koch-ksha, vaytza, geahsht, mayl, grohsht frucht, boona, lentils,

Shpricha 11:25

Veah reichlich gebt, zayld goot ab sei, un veah anri reichlich gebt zu drinka, zayld selvaht nett fadashta.