Matthäus 5:44 - Pennsylvania Dutch Bible

⁴⁴ Avvah ich sawk eich; diah sellet eiyah feinda leeva. Sayknet dee vo eich faflucha. Doond goodes zu dee vo eich hassa. Baydet fa dee vo eich fafolka un veesht yoosa,

Matthäus 5:44 Referans Kwoze

Römer 12:14

Sayknet selli es eich fafolka; sayknet, un fafluchet nett.

1. Petrus 3:9

Betzawlet nett zrikk evil fa evil adda baysi vadda mitt baysi vadda, avvah sayknet nannah. Fa diah visset es dess is vass diah groofa sind ditzu, so es diah en sayya greeyet.

Lukas 23:34

Jesus hott no ksawt, “Faddah, fagebb eena dess, fa si vissa nett vass si doon.” Un si henn gezowwa im lohs fa sei glaydah fadayla.

1. Petrus 2:23

Vo si veesht kshvetzt henn zu eem, hott eah nett veesht zrikk kshvetzt; vo eah glidda hott, hott eah nett gedroit fa ayva vadda, avvah eah hott sich ivvah-gevva zu sellem vo recht richta dutt.

Di Apostelgeschichte 7:60

Da Stephen is nunnah gegneet un hott laut groofa, “Hah, du nett di shuld fa dee sind uf si.” Un vo eah dess ksawt katt hott is eah eikshlohfa.

2. Kaynicha 6:22

“Mach si nett doht,” hott da Elisa ksawt. “Daytsht du selli doht macha es du kfanga hosht mitt deim shvatt un bow? Setz broht un vassah fannich si so es si essa un drinka kenna, un no zrikk zu iahra meishtah gay kenna.”

Psalm 7:4

vann ich letz gedu habb zu demm es freindlich is zu miah, adda sellah grawbt habb es mei feind is unni uahsach,

1. Samuel 24:17

Eah hott no ksawt zumm Dawfit, “Du bisht may gerecht es ich binn. Du voahsht goot zu miah, avvah ich habb letz gedu zu diah.

Shpricha 19:11

En mann sei veisheit gebt eem geduld; 'sis zu sei eah vann eah's fa'achta dutt vann eah faletzt vatt.

Johannes 13:34

Ich gebb eich en nei gebott: diah misset nannah leeva. Vi ich eich gleebt habb, so sellet diah nannah leeva.

1. Thessalonicher 5:15

Saynet ditzu es nimmand evil zrikk betzawld mitt evil, avvah gukket immah fa goot du zu nannah un zu alli-ebbah.

Di Apostelgeschichte 16:28

Avvah da Paulus hott laut naus groofa, “Du diah nix, miah sinn noch awl do.”