Matthäus 5:42 - Pennsylvania Dutch Bible

⁴² Gebb zu demm vo dich frohkt, un dray dich nett vekk fumm demm es ebbes layna vill.”

Matthäus 5:42 Referans Kwoze

Shpricha 19:17

Sellah es bamhatzich is zu di oahma, is am layna zumm Hah, un eah zayld een zrikk betzawla fa vass eah gedu hott.

Hebräer 13:16

Fagesset nett fa goot du un mitt-daylich sei mitt anri, fa so opfahra sinn kfellich zu Gott.

Psalm 37:21

Da gottlohs laynd un betzawld nett zrikk, avvah da gerecht is goot-maynich un gebt geahn.

Römer 12:20

So, “Vann sellah es dich nett gleicht hungahrich is, feedah een; vann eah dashtich is, gebb eem ebbes zu drinka. Fa vann du dess dusht, dann dusht du feiyahrichi kohla uf sei kobb heifla.”

Daniel 4:27

Fasell, oh kaynich, nemm mei roht oh: Heah uf sindicha un du vass recht is; shtobb dei ungerechtichkeit un sei bamhatzich zu di nunnah-gedreddana. No fleicht hald's oh diah goot gay.”

Breddichah 11:6

Say dei sohma free meiyets, un loss dei hend nett roowa ohvets, fa du kansht nett sawwa eb da meiya adda da ohvet sohma vaxa zayld, adda eb si awl zvay doon.

Hebräer 6:10

Fa Gott is nett ungerecht es eah fagest veyyich eiyah verka un eahvet in di leevi es diah gedu hend in sei nohma, vo diah di saylicha kolfa hend, un sind alsnoch am si helfa.

Jakobus 1:27

En Gottes-deensht es rein un sauvah is fannich Gott unsah Faddah, is vi dess: ma dutt di kinnah unni eldra un di vitt-veivah psucha in iahra dreebsawl, un dutt sich selvaht sauvah halda funn di veld iahra sacha.

Lukas 11:41

Avvah gevvet almohsa deich dess vass inseit aus em hatz raus kumd, no is alles sauvah fa eich.

Shpricha 21:26

Da gans dawk lang dayt eah gleicha may havva, avvah da gerecht gebt un haybt nix zrikk.

Matthäus 5:41

Un vann ebbah dich macht mitt gay fa en meil, gay mitt eem fa zvay meil.