Matthäus 27:26 - Pennsylvania Dutch Bible

²⁶ No hott eah da Barabbas frei gevva fa si, un noch demm es eah Jesus gayshla glost hott, hott eah een ivvah-gedrayt fa gegreitzicht vadda.

Matthäus 27:26 Referans Kwoze

Jesoiya 53:5

Avvah eah voah vay gedu fa unsah ivvah-dreddes, un voah kshlauwa fa unsah sinda. Uf eem leit di shtrohf es uns fridda gebt, un deich sei shtraych, sinn miah kayld.

Johannes 19:1

No hott da Pilawtus Jesus gnumma un hott een gayshla glost.

Markus 15:15

No hott da Pilawtus gedenkt eah vill di leit zufridda macha, so hott eah da Barabbas lohs glost zu eena. Eah hott Jesus glost gegaysheld vadda, no hott eah een ivvah-gevva fa gegreitzicht sei.

Lukas 23:16

Fasell, doon ich een shtrohfa un no loss ich een gay.”

Jesoiya 50:6

Ich habb mei bukkel zu selli gedrayt es mich fashlauwa henn, un mei bakka zu selli es mei boaht grobt henn. Ich habb mei ksicht nett vekk gedrayt funn selli es mich fashpott un fashpautzt henn.

1. Petrus 2:24

Eah hott unsah sinda gedrawwa in seim aykna leib uf em greitz, so es miah, vo doht sinn zu sinda, layva sedda fa gerechtichkeit. Deich sei gayshel-meiks sind diah kayld vadda.

Markus 10:34

Si zayla een fashpodda un fagayshla, uf een shpautza un een doht macha. No drei dawk shpaydah shtayt eah viddah uf.”

Matthäus 20:19

Un si zayla een ivvah-drayya zu di Heida, un si zayla een fashpodda un fagayshla un een no greitzicha. Un da dritt dawk zayld eah viddah uf shtay.”

Johannes 19:16

No hott eah Jesus ivvah-gevva zu eena fa greitzicha. Un si henn no Jesus gnumma un henn een vekk kfiaht.