Matthäus 25:4 - Pennsylvania Dutch Bible

⁴ Avvah di foah-sichticha henn bodla mitt ayl mitt iahra lichtah gnumma.

Matthäus 25:4 Referans Kwoze

Römer 8:9

Avvah diah sind nett flayshlich, avvah geishtlich, vann Gott sei Geisht in eich laybt. Ennich ebbah es nett da Geisht funn Christus hott, is nett sei.

1. Johannes 2:27

Un di salbung es diah grikt hend funn eem bleibt in eich, un diah brauchet nimmand havva fa eich lanna. Avvah vi sei salbung eich gland hott veyyich alli sacha, so is si voah un leekt nett; un vi sei salbung eich gland hott, so bleivet in eem.

Johannes 3:34

Fa deah vo Gott kshikt hott shvetzt di vadda funn Gott; zu eem gebt Gott da Geisht unni en ausmessa.

1. Johannes 2:20

Avvah diah sind ksalbt vadda bei Demm Heilicha, un diah visset alles.

Psalm 45:7

Du leebsht gerechtichkeit un hasht vass gottlohs is. Fasell hott Gott, dei Gott dich haychah ufketzt es ennich ebbah shunsht, bei dich salba mitt em ayl funn frayt.

Judas 1:19

Dess sinn di leit vo shpaldinga rei bringa. Si lawfa iahra flayshlichi naduah nohch un henn da Geisht nett.

2. Korinther 1:22

un kseald, un hott sei Geisht in unsah hatza gedu. Dess is di eahsht betzawling funn demm vass noch am kumma is.

Matthäus 7:24

“So veah-evvah es mei vadda heaht un dutt si, een doon ich fagleicha zu en mann mitt veisheit es sei haus uf en felsa gebaut hott.

Matthäus 10:16

Denket an dess, ich shikk eich naus vi shohf unnich di velf. So sellet diah veisheit havva vi di shlanga, un doch unni falshheit vi di dauva.

Matthäus 25:2

Fimf funn eena voahra unbekimmaht, un fimf funn eena voahra foah-sichtich.

Matthäus 25:3

Fa di unbekimmahda henn iahra lichtah gnumma unni ennich ayl.

Matthäus 25:5

Un veil da hochtzeidah lang nett kumma is, sinn si awl eikshlohfa.