Matthäus 24:42 - Pennsylvania Dutch Bible

⁴² So machet es diah am vatsha sind, fa diah visset nett vellah dawk es eiyah Hah kumd.

Matthäus 24:42 Referans Kwoze

Lukas 21:36

Avvah vatshet di gans zeit, un baydet es diah's veaht sind fa dee sacha nett deich macha vo blatz nemma zayla, un fa fannich em Mensha Sohn shtay.”

1. Thessalonicher 5:6

So dann, losset uns nett shlohfa vi anri doon, avvah vella vakkah bleiva un uns vatsha.

Matthäus 25:13

Fasell sellet diah vatsha, fa diah visset nett da dawk adda di shtund es da Mensha Sohn kumd.”

Di Offenbarung 16:15

Gukk moll, ich kumm vi en deeb. Ksaykend is sellah vo vatsht un gebt acht uf sei glaydah, so es eah nett nakkich is un es leit sei shohm sayna kenna.

1. Korinther 16:13

Vatshet eich, shtaynd fesht im glawva, seind mennah mitt moot, seind shteik.

Matthäus 24:36

“Avvah funn sellem dawk un funn selli shtund vayst nimmand. Even di engel im Himmel vissa's nett, un aw nett da Sohn, avvah yusht da Faddah.

Römer 13:11

Un doond dess veil diah visset vass zeit es es is. Di shtund is do fa ufvekka fumm shlohf, fa unsah saylichkeit is naychah nau es see voah vo miah seahsht geglawbt henn.

Matthäus 24:44

Fasell missa diah grisht sei, fa da Mensha Sohn kumd an en shtund es diah nett visset.

1. Petrus 5:8

Haldet eich grisht un vatshet, fa eiyah feind, da Deivel, lawft rumm vi en rawsichah layb am gukka veah eah uf fressa kann.

1. Petrus 4:7

Es end funn alli sacha is nayksht. Fasell, seind psunna un haldet eiyah meind sohbah so es diah bayda kennet.

Matthäus 24:43

Avvah diah visset dess, vann da mann fumm haus gvist hett vass zeit funn di nacht es da deeb am kumma veah, hett eah gvatsht un hett een nett glost in sei haus nei brecha.

Matthäus 25:10

Un diveil es si ganga sinn fa samm kawfa is da hochtzeidah kumma. Un selli vo grisht voahra sinn mitt eem nei ganga in di hochtzich. Un di deah voah zu gmacht.

Lukas 21:34

Diah sellet avvah acht gevva, es diah nett ufgnomma vaddet mitt fressa un saufahrei, un mitt di sacha funn dee veld, so es eiyah hatza unbekimmaht vadda, un sellah dawk unfahoft uf eich kumd.