Matthäus 19:26 - Pennsylvania Dutch Bible

²⁶ Avvah Jesus hott si ohgegukt un hott ksawt zu eena, “Mitt mensha is dess nett meeklich, avvah mitt Gott is alles meeklich.”

Matthäus 19:26 Referans Kwoze

Jeremia 32:27

“Ich binn da Hah, da Gott funn awl mensha. Is ennich ebbes zu hatt fa mich?

Lukas 1:37

Bei Gott is nix ummeeklich.”

Hiob 42:2

“Ich vays es du alli ding du kansht, nimmand kann dich shtobba funn du vass du vitt.

Lukas 18:27

Avvah eah hott ksawt, “Vass ummeeklich is bei mensha is meeklich bei Gott.”

Markus 10:27

Jesus hott si ohgegukt un hott ksawt, “Mitt mensha is es ummeeklich, avvah nett mitt Gott. Mitt Gott sinn alli sacha meeklich.”

Jeremia 32:17

Oh Hah unsah Gott, du hosht da himmel un di eaht gmacht mitt dei grohsi macht un dei auskshtrektah oahm. Nix is zu hatt fa dich.

1. Mosi 18:14

Is ennich ebbes zu hatt fa da Hah? An dee zeit neksht yoah kumm ich viddah zrikk, un di Sara soll en sohn havva.”

Psalm 62:11

Ay moll hott Gott kshvetzt, un zvay moll havvich dess keaht: Gott laynich is mechtich.

4. Mosi 11:23

Da Hah hott no ksawt zumm Mosi, “Is em Hah sei oahm zu katz? Nau zaylsht du sayna eb vass ich sawk voah kumma zayld fa dich adda nett.”

Sacharia 8:6

Dess is vass da Awlmechtich Hah sawkt: “Vann dess ummeeklich seemd zu di leit es ivvahrich sinn an dee zeit, es zayld nett ummeeklich sei in mei awwa,” sawkt da Awlmechtich Hah.

Psalm 3:8

Di hilf kumd fumm Hah. Loss dei sayya uf dei leit kumma. (Sela)

1. Samuel 14:6

No hott da Jonathan ksawt zumm yunga mann es sei greeks-ksha gedrawwa hott, “Kumm, vella nivvah zu di camp funn selli unbeshniddana mennah gay. Fleicht zayld da Hah ebbes ausrichta deich uns. Nix kann da Hah fahinnahra funn helfa, eb's feel adda vennich sinn.”

Matthäus 19:25

Vo di yingah sell keaht henn voahra si oahrich fashtaund, un henn ksawt, “Veah kann dann saylich vadda?”

Matthäus 19:27

No hott da Petrus andvat gevva un hott ksawt, “Gukk moll, miah henn alles falossa un sinn diah nohch kumma. Vass sella miah havva difoah?”

Hebräer 6:6

vann si no abfalla, is es ummeeklich es si sich viddah zrikk drayya kenna un boos du. Dess is veil si Gottes Sohn viddah greitzicha deich iahra ayknah villa, un macha en kshpott funn eem fannich di leit.

1. Kaynicha 17:16

Di shissel mitt mayl un da tsheah mitt ayl sinn nett leah vadda grawt vi's vatt fumm Hah ksawt hott deich da Elia.