Matthäus 11:17 - Pennsylvania Dutch Bible

¹⁷ un sawwa, ‘Miah henn di peif kshpeeld fa eich, avvah diah hend nett gedanst. Miah henn en leicht-leet ksunga fa eich, avvah diah hend nett keild.’

Matthäus 11:17 Referans Kwoze

Jesoiya 30:29

Avvah diah leit zaylet singa so vi in di nacht vann diah en heilich fesht-essa haldet. Eiyah hatza sinn fraylich, so es vann leit mitt blohs-hanna nuff gayn zumm berg fumm Hah, zumm Felsa funn Israel.

Matthäus 9:15

Jesus hott ksawt zu eena, “Vi kenna di hochtzich-leit bedreebt sei vann da hochtzeidah noch bei eena is? Di zeit zayld kumma vann da hochtzeidah vekk gnumma vatt un no zayla si fashta.

Jeremia 31:4

Ich zayl dich viddah ufbauwa, un du zaylsht gebaut sei, oh beleebt Israel. Du zaylsht viddah dei tambourine nemma un naus gay un dansa mitt di fraylicha.

Matthäus 9:23

Vo Jesus im foah-gengah sei haus kumma is un hott di peif-shpeelah un di leit ksenna am yacht macha,

1. Kaynicha 1:40

Awl di leit sinn no nuff hinnich eem nohch ganga am di peifa blohsa un voahra oahrich fraylich. Si henn so en yacht gmacht es da bodda kshiddeld hott.

Lukas 15:25

Nau da elsht funn di boova voah draus im feld, un vi eah nayksht an's haus kumma is, hott eah di leit keaht singa un dansa.

1. Mosi 50:10

Vo si an da dresha-floah funn Atad, uf di annah seit fumm Jordan kumma sinn, henn si kshtobt un oahrich lang laut keild. Datt hott eah sivva dawk gveind fa sei daett.

Matthäus 11:16

Avvah di leit funn heit, vi soll ich sawwa es si sinn? Si sinn vi di kinnah am market-blatz. Si hokka datt un roofa di anrah kinnah,

Matthäus 11:18

Da Johannes is kumma. Eah hott feel kfasht un hott kenn vei gedrunka, un si sawwa eah hott en deivel in sich.

Lukas 7:32

Si sinn vi di kinnah vo am market-blatz hokka un roofa di anri kinnah un sawwa: ‘Miah henn di peif kshpeeld fa eich avvah diah hend nett gedanst. No henn miah en leicht-leet ksunga zu eich un henn gveind, avvah diah hend nett keild.’

Lukas 8:52

Si voahra awl am veina un am heila fa see, avvah eah hott ksawt, “Doond nett heila; see is nett doht avvah is am shlohfa.”

Lukas 23:27

Un's voah en grohsi drubb leit am nohch kumma. Dayl voahra veibsleit es am heila un veina voahra ivvah een.