Matthäus 10:42 - Pennsylvania Dutch Bible

⁴² Ennich ebbah es ayns funn dee glenna yusht so feel es en drink kald vassah gebt veil eah mei yingah is, voahlich ich sawk eich, eah zayld sei lohn nett fafayla.”

Matthäus 10:42 Referans Kwoze

Hebräer 6:10

Fa Gott is nett ungerecht es eah fagest veyyich eiyah verka un eahvet in di leevi es diah gedu hend in sei nohma, vo diah di saylicha kolfa hend, un sind alsnoch am si helfa.

Matthäus 25:40

Un da Kaynich zayld sawwa zu eena, ‘Voahlich, ich sawk eich, vass diah gedu hend zu ayns funn di vennichshta funn mei breedah, so hend diah's gedu zu miah.’

Matthäus 18:10

“Saynet ditzu es diah nett nunnah gukket uf ayns funn dee glenna. Fa ich sawk eich, im Himmel doon iahra engel immah's ksicht sayna funn meim Faddah vo im Himmel is.

2. Korinther 8:12

Fa vann ebbah villing is fa gevva, dann vatt's ohgnumma un gmessa bei vass eah hott, un nett bei vass eah nett hott.

Lukas 6:35

Avvah leevet eiyah feinda, un doond goot; laynet, un gukket nett fa ebbes zrikk havva, no zayld eiyah fadeensht grohs sei, un diah zaylet di kinnah fumm Alli-Haychshta sei, veil eah goot-maynich is zu di undankboahra un di baysa.

Shpricha 24:14

Grawt so is di veisheit goot fa dei sayl; vann du see finsht dann zayld's goot gay fa dich, un dei hofning vatt nett abkshnidda.

Sacharia 13:7

“Vekk uf, oh shvatt, shlakk mei shohf-heedah, shlakk da mann es nayksht is zu miah!” sawkt da Awlmechtich Hah. “Shlakk da shohf-heedah, un di shohf vadda fayawkt, no dray ich mei hand geyyich di glenna.

Lukas 17:2

Es veah bessah fa een vann en meel-shtay am sei hals rumm kanka veah, un eah veah naus in da say kshmissa, es vann eah ayns funn dee glenna macha dayt sindicha.

Matthäus 18:14

So, is es nett da villa funn meim Faddah im Himmel es ayns funn dee glenni faloahra gay soll.”

2. Kaynicha 4:10

Vella eem en glenni shtubb macha drovva uf em dach, un en bett un en dish nei du mitt en shtool un en licht. No kann eah datt bleiva vann eah zu uns kumd.”

Shpricha 19:17

Sellah es bamhatzich is zu di oahma, is am layna zumm Hah, un eah zayld een zrikk betzawla fa vass eah gedu hott.

Breddichah 11:1

Shmeis dei broht uf's vassah fumm say, un feel dawk shpaydah findsht du's viddah.

1. Kaynicha 17:11

Vo see ganga is fa's greeya hott eah ksawt, “Un bring miah aw en shtikk broht in dei hand.”