Markus 1:2 - Pennsylvania Dutch Bible

² Vi's kshrivva is in di bichah funn di brofayda, “Gukk moll, ich shikk aynah mitt meim vatt fannich diah heah fa da vayk rishta fa dich.

Markus 1:2 Referans Kwoze

Maleachi 3:1

“Gukket moll, ich shikk aynah mitt meim vatt fannich miah heah fa da vayk rishta. No uf aymol kumd da Hah es diah am sucha sind an sei tempel, sellah es kumd un shvetzt veyyich mei bund, un sellah es diah havva vellet. Gukket moll, eah is am kumma,” sawkt da Awlmechtich Hah.

Lukas 1:76

Un du, kind, zaylsht da brofayt fumm Alli-Haychshta kaysa sei, fa du gaysht fannich em Hah heah fa sei vayk rishta,

Matthäus 11:10

Dess is da vann vo's kshrivva is diveyya in di Shrift, ‘Gukk moll, ich shikk aynah mitt meim vatt fannich diah heah fa da vayk rishta fa dich.’

Lukas 1:70

Vi eah ksawt hott deich di heilicha brofayda lang zrikk—

Matthäus 26:31

No hott Jesus ksawt zu eena, “Diah zaylet dee nacht awl vekk falla deich mich, fa's is kshrivva, ‘Ich shlakk da shohf-heedah, un di drubb shohf vadda ausnannah kshtroit.’

Psalm 40:7

No habb ich ksawt, “Gukk moll, ich kumm, im buch is es kshrivva veyyich miah.

Lukas 18:31

No hott eah di zvelfa gnumma un hott ksawt zu eena, “Heichet moll, miah gayn nuff in Jerusalem, un alles es kshrivva is veyyich em Mensha Sohn bei di brofayda vatt gedu datt.

Matthäus 26:24

Da Mensha Sohn gayt vi's kshrivva is veyyich eem, avvah vay zu sellem mann vo da Mensha Sohn farohda dutt! Es veah bessah gvest vann sellah mann nee nett geboahra gvest veah.”

Matthäus 2:5

Un si henn ksawt zu eem, “In di shtatt funn Bethlehem in Judayya. Da brofayt hott kshrivva,