Lukas 8:7 - Pennsylvania Dutch Bible

⁷ Un samm is unnich di danna kfalla, un di danna sinn ufgvaxa un henn's fashtikt.

Lukas 8:7 Referans Kwoze

Jeremia 4:3

Dess is vass da Hah sawkt zu di leit in Juda un zu Jerusalem: “Bloowet eiyah neiyah grund un sayyet nett unnich di danna.

Lukas 8:14

Un selli vo unnich di danna kfalla sinn, sinn dee vo heahra, avvah si gayn iahra vayk un vadda fashtikt bei bekimmahnis un reichheit, un bei em blesiah funn demm layva, un iahra frucht vatt nett zeidich.

Lukas 21:34

Diah sellet avvah acht gevva, es diah nett ufgnomma vaddet mitt fressa un saufahrei, un mitt di sacha funn dee veld, so es eiyah hatza unbekimmaht vadda, un sellah dawk unfahoft uf eich kumd.

Markus 4:7

Anra sohma is unnich di danna kfalla un di danna sinn ufgvaxa un henn's fashtikt, un no hott's kenn frucht gevva.

Matthäus 13:22

Veyyich demm sohma vo ksayt voah unnich di danna, dess is aynah vo's Vatt heaht avvah di sacha funn dee veld, un's fafiahres fa reich vadda fashtikt's Vatt, un's gebt kenn frucht.

Matthäus 13:7

Samm sohma is unnich di danna kfalla, un di danna sinn ufgvaxa un henn di blansa fashtikt.

1. Mosi 3:18

Danna un dishtla sellah vaxa fa dich, un du solsht di blansa essa fumm feld.

Lukas 8:6

Un samm is uf shtay kfalla, un is uf kumma avvah's is no favelkt un doht ganga veil's kenn vassah katt hott.

Lukas 8:8

Un samm is uf goodah bodda kfalla, is gvaxa un hott en hunnaht mohl so feel gevva.” Vi eah dess ksawt hott, hott eah laut ksawt, “Deah vo oahra hott fa heahra, loss een heahra.”