Lukas 8:43 - Pennsylvania Dutch Bible

⁴³ Un's voah en fraw dibei es en veibsleida bloots-granket katt hott shund fa zvelf yoah. See hott awl iahra geld zu di doktah gevva katt, un nimmand hott see hayla kenna.

Lukas 8:43 Referans Kwoze

Lukas 13:16

Un sett nett dee fraw vo fumm Abraham sei nohch-kummashaft is, un vo gebunna voah beim Satan fa achtzay yoah, lohs gmacht vadda uf em Sabbat-Dawk?”

Johannes 9:1

Vo Jesus fabei ganga is, hott eah en mann ksenna es blind geboahra voah.

Lukas 13:11

Un's voah en veibsmensh datt mitt en geisht es see grank gmacht hott shund fa achtzay yoah. See voah ivvah-gebohwa un hott nett grawt uf shtay kenna.

Lukas 8:27

Un vi eah aus em boat uf's land ganga is, hott eah en mann funn di shtatt ohgedroffa es baysi geishtah katt hott; shund fa lang hott eah kenn glaydah may gvoahra, un hott nett in en haus gvoond avvah voah draus bei di grayvah.

Jesoiya 2:22

So heahret uf eiyah fadrauwa in da mensh du, deah es yusht en ohften in di naws is. Vass is eah veaht?

2. Chronik 16:12

Im neina dreisisht yoah fumm Asa sei kaynich-reich hott eah en granket grikt un sei fees sinn vay vadda. Un sei granket is shlimm vadda, doch, deich sei granket hott eah da Hah nett kfrohkt fa hilf, avvah yusht di doktah.

Di Apostelgeschichte 4:22

Deah mann voah ivvah fatzich yoah ald vo deah zaycha gedu voah ditzu es eah kayld voah.

Di Apostelgeschichte 3:2

Un's voah en mann datt es lohm geboahra voah. Deah mann hott sich alli dawk drawwa glost zu di tempel deah es Shay kaysa hott. Do hott eah als gebeddeld fa geld funn di leit es in da tempel ganga sinn.

Johannes 9:21

Avvah vi eah nau sayna kann, adda veah sei awwa uf gmacht hott vissa miah nett. Frohwet een, eah is uf eld, eah kann shvetza fa sich selvaht.”

Markus 9:18

Un vann-evvah es deah geisht an een kumd, reist eah een rumm biss eah uf da bodda fald. No shaumd eah, beist di zay zammah un vatt shteif. Ich habb dei yingah ksawt si sella da geisht ausdreiva avvah si henn nett kenna.”

Psalm 108:12

Gebb uns hilf geyyich unsah feinda, fa di hilf fumm mensh is nix veaht.

Hiob 13:4

Avvah diah dekket alles zu mitt leeya; diah sind awl doktah es nix veaht sinn.

Markus 12:44

Si henn yusht gevva funn vass es si ivvahrich katt henn, avvah dee vitt-fraw hott alles gevva es see katt hott, even vass see gebraucht hott fa layva.”

Lukas 8:42

Fa eah hott yusht ay maydel katt vo baut zvelf yoah ald voah, un see voah am shtauva. Vi eah am gay voah, voahra di leit gans dikk um een rumm.

Lukas 8:44

See is hinnich eem ruff kumma un hott da sohm funn seim glayt ohgraykt. Un grawt hott's kshtobt blooda.