Lukas 4:2 - Pennsylvania Dutch Bible

² Fa fatzich dawk voah eah fasucht bei em Satan. Eah hott nix gessa in selli dawwa un vo selli dawwa ivvah voahra voah eah hungahrich.

Lukas 4:2 Referans Kwoze

1. Kaynicha 19:8

So is eah ufkshtanna un hott gessa un gedrunka. Sell ess-sach hott eem di graft gevva fa fatzich dawk un fatzich necht lawfa biss eah an Horeb, da berg funn Gott, kumma is.

2. Mosi 34:28

Da Mosi voah datt beim Hah fa fatzich dawk un fatzich necht unni broht essa adda vassah drinka. Un eah hott di vadda fumm bund uf di zvay shtay kshrivva—di zeyya gebodda.

Hebräer 4:15

Miah henn avvah nett en hohchen-preeshtah es nett mitt-leida kann mitt unsah shvachheit, avvah eah voah fasucht in alli sacha grawt vi miah, avvah doch, eah hott nett ksindicht.

Hebräer 2:18

Veil eah selvaht glidda hott vo eah fasucht voah, dann kann eah selli helfa es fasucht vadda.

5. Mosi 9:9

Vo ich nuff uf da berg ganga binn fa di zvay shtay greeya, di shtay mitt em bund es da Hah gmacht katt hott mitt eich, dann binn ich uf em berg geblivva fa fatzich dawk un necht. Ich habb kenn broht gessa adda vassah gedrunka.

Johannes 4:6

Em Jakob sei brunna voah datt, un veil eah meet voah funn lawfa hott Jesus sich datt an da brunna kokt. Es voah so an di zvelf oowah rumm.

5. Mosi 9:18

No binn ich viddah fannich da Hah kfalla vi's eahsht moll, fa fatzich dawk un necht. Ich habb kenn broht gessa un kenn vassah gedrunka veil diah so ksindicht katt hend. Diah hend evil gedu fannich em Hah un hend een fa'eiyaht.

Matthäus 21:18

Un da neksht meiya vi eah am zrikk noch di shtatt gay voah, voah eah hungahrich.

Matthäus 4:2

Vo Jesus moll fatzich dawk un fatzich necht kfasht katt hott, voah eah hungahrich.

Jona 3:7

Eah hott en gebott naus kshikt un hott ksawt, “In Nineveh beim gebott fumm kaynich un sei deenah: Losset kenn mann adda diah, kee adda shohf, ennich ebbes essa. Losset si nett essa adda vassah drinka.

Esther 4:16

“Gay un fasammel awl di Yudda zammah in di shtatt Susa, un fashtet fa mich. Doond nett essa adda drinka fa drei dawk un necht. Ich un mei mawda doon aw fashta vi diah doond. Noch sellem gayn ich zumm kaynich, eb's geyyich di law is adda nett. Un vann ich um kumm, dann kumm ich um.”

1. Samuel 17:16

Fa fatzich dawk is da Philishtah als raus kumma meiyets un ohvets un hott sich datt anna kshteld.

5. Mosi 9:25

Ich habb mich fannich da Hah glaykt selli fatzich dawk un necht veil da Hah ksawt hott eah zayld eich ausbutza.

2. Mosi 24:18

Da Mosi is in di mitt funn di volk ganga vi eah nuff uf da berg ganga is. Un da Mosi voah uf em berg fa fatzich dawk un necht.

1. Mosi 3:15

Ich du en hass zvishich dich un's veibsmensh, un zvishich dei sohma in iahra sohma. Eah zayld dei kobb fadredda, un du zaylsht sei feahshta shtecha.”

Lukas 4:3

No hott da Satan ksawt zu eem, “Vann du Gottes Sohn bisht, sawk dee shtay si sella zu broht drayya.”