Lukas 14:1 - Pennsylvania Dutch Bible

¹ Moll ay Sabbat-Dawk vo eah ganga is fa's essa an en ivvah-saynah sei haus es en Pharisayah voah, henn si een gvatsht fa sayna vass eah du zayld.

Lukas 14:1 Referans Kwoze

Markus 3:2

Un di leit henn Jesus gvatsht fa sayna eb eah da mann hayla zayld uf em Sabbat-Dawk, no kenda si dess geyyich een hayva.

Lukas 20:20

Si henn een no gvatsht, un henn funn iahra aykni leit naus kshikt fa ohlossa es si ufrichtich veahra, so es si een fanga kenda mitt sei aykni vadda. Sellah vayk henn si vella een ivvah-drayya zu di macht un gvald fumm govvenah.

Lukas 11:37

Diveil es eah am shvetza voah, hott en Pharisayah een kfrohkt fa mitt eem gay fa's essa. No is eah nei ganga un hott sich an da dish kokt.

Psalm 62:4

Si denka yusht vi si een runnah bringa kenna funn sei hohchah blatz. Si henn frayt in leeya. Mitt iahra meilah saykna si, avvah mitt iahra hatza faflucha si. (Sela)

Psalm 41:6

Vann si kumma mich sayna, shvetza si falshheit, in iahra hatza sinn si am gukka fa leshtahra; no gayn si naus un fazayles rumm heah.

Lukas 6:7

Un di shrift-geleahrah un di Pharisayah henn een gvatsht fa sayna eb eah een hayla zayld uf em Sabbat-Dawk, so es si ebbes geyyich een hayva kenna.

Shpricha 23:7

fa eah is en mann es immah am denka is veyyich vi feel es es kosht. Eah sawkt, “Drink un ess,” avvah sei hatz is nett mitt diah.

Psalm 37:32

Da gottlohs mann voaht un vatsht fa da gerecht mann, un broviaht een umbringa.

Johannes 3:1

Es voah en mann funn di Pharisayah mitt em nohma Nicodemus es en ivvah-saynah voah unnich di Yudda.

Di Apostelgeschichte 5:34

No is en Pharisayah funn di Council ufkshtanna es Gamaliel kaysa hott. Eah voah goot gland im Ksetz un voah hohch kalda bei awl di leit. Eah hott ksawt, “Doond di aposhtla moll en vennich naus.”

Matthäus 12:12

Nau en mensh is feel may veaht es en shohf. So is es voll alawbt fa goot do uf em Sabbat-Dawk.”

Lukas 14:2

Un yusht so shuah, datt voah en mann fannich eem es grank voah mitt vassah-sucht.

Lukas 17:20

Jesus voah no kfrohkt gvest bei di Pharisayah vann's Reich-Gottes kumma zayld. Eah hott eena ksawt, “Es Reich-Gottes zayld nett kumma es du's sayna kansht.