Lukas 11:39 - Pennsylvania Dutch Bible

³⁹ No hott da Hah ksawt zu eem, “Diah Pharisayah veshet di autseit fumm kobli un di shissel, avvah inseit sind diah greedich un foll ungerechtichkeit.

Lukas 11:39 Referans Kwoze

Jakobus 4:8

Kummet nayksht zu Gott un eah kumd nayksht zu eich. Machet eiyah hend sauvah, diah sindah; un reinichet eiyah hatza, diah vo zvay vayya denket.

Titus 1:15

Zu selli es rein sinn is alles rein. Avvah zu selli es unrein un unglawvicha sinn is nix rein, fa iahra meind un innahlichi gedanka sinn drekkich.

Di Apostelgeschichte 5:3

Da Petrus hott ksawt, “Ananias, favass hott da Satan dei hatz kfild, es du di unvoahret ksawt hosht zumm Heilicha Geisht, un hosht samm fumm geld kalda es du grikt hosht fa dei land?

Matthäus 15:19

Fa aus em hatz kumma shlechti gedanka, maddahrei, aybruch, huahrahrei, shtaylahrei, falshi zeiya, leshtahra.

Matthäus 7:15

“Gevvet acht fa di falsha brofayda. Si kumma zu eich in shohf glaydah avvah innahlich sinn si velf es eich fareisa vella.

Shpricha 30:12

selli es sich rein dinka in iahra aykni awwa, avvah si sinn nett sauvah funn iahrem drekk;

1. Mosi 6:5

Da Hah hott no ksenna vi grohs es di ungerechtichkeit voah in mensha uf di eaht, un es iahra gedanka fumm hatz yusht evil voahra di gans zeit.

Galater 1:14

Ich voah am mich nuff shaffa in di Yudda-gmay ovvich feel anri mei aykni eld unnich mei leit, un voah oahrich ufgnomma mitt em Ksetz funn mei foah-eldra.

Johannes 12:6

Avvah da Judas hott dess nett ksawt veil eah ebbes um di oahma gevva hott, avvah veil eah en deeb voah, un siddah es eah da geld-sakk kalda hott, hott eah als geld raus gnumma.

Lukas 16:15

No hott eah ksawt zu eena, “Diah sind selli vo gukka vella vi gerechti mennah fannich di leit, avvah Gott vayst vass in eiyah hatza is. Fasell vass hohch uf kohva is fannich leit, is en hass fannich Gott.”

Lukas 7:13

Vo da Hah see ksenna hott, hott eah see gedavvaht, un hott ksawt zu iahra, “Du nett heila.”

Zephania 3:3

Iahra evvahshti sinn roahrichi layb, iahra richtah sinn vi velf sinn ohvets es nix ivvahrich lossa fa meiyets.

Ezekiel 22:27

Iahra evvahshti in di shtatt sinn vi velf am iahra kfangani diahra fareisa; si fageesa bloot un bringa leit um es si uneahlich geld macha kenna.

Ezekiel 22:25

Iahra feddahshti shkeema fa shawda du, grawt vi roahrichi layva iahra kfangani diahra fareisa; si fressa leit, nemma's deiyah un keshtlich sach, un macha feel vitt-veivah in di shtatt.

Jeremia 4:14

Vesh dei hatz funn evil, oh Jerusalem, so es du kolfa sei kansht. Vi lang zaylsht du gottlohsi gedanka hayva?

Shpricha 26:25

Vann eah glatt shvetzt, glawb eem's nett, fa's sinn sivva veeshti gedanka in seim hatz.

Psalm 22:13

Si macha iahra meilah grohs uf geyyich mich, so vi en rawsichah layb.

2. Chronik 25:2

Eah hott gedu vass recht voah im Hah sei awwa, avvah nett mitt sei gans hatz.

2. Timotheus 3:5

Si hayva oh zu en shein funn Gottheit, avvah si falaykla di graft difunn. Hald dich vekk funn so leit.

Johannes 13:2

Si voahra am's ohvet-essa essa, un da Deivel hott's shund im Judas Ischariot sei hatz nei gedu fa Jesus farohda. Da Judas Ischariot voah em Simon sei boo.

Shpricha 26:23

Gladdi leftz un en evil hatz, sinn vi eahdich ksha es ivvah-gedekt is mitt silvahrichah shaum.

Lukas 7:19

Un da Johannes hott zvay funn sei yingah zu sich groofa, un hott si zumm Hah kshikt fa een frohwa, “Bisht du da vann vo kumma soll, adda sella miah gukka fa en anra?”