Lukas 10:19 - Pennsylvania Dutch Bible

¹⁹ Heichet mich ab, ich habb eich's recht un di macht gevva fa uf shlanga un scorpions dredda, un ivvah awl di macht fumm feind, da Satan, un nix soll eich vay du.

Lukas 10:19 Referans Kwoze

Psalm 91:13

Du zaylsht uf da layb un di shlang dredda; da yung layb un di giftich shlang zaylsht du fashtamba.

Markus 16:18

Vann si shlanga uf hayva, un vann si ebbes giftiches drinka, zayld's eena nix du. Si zayla iahra hend uf di granka layya un si vadda viddah ksund.”

Römer 16:20

Da Gott funn fridda zayld glei da Satan unnich eiyah fees shtamba. Di gnawt funn unsah Hah Jesus Christus sei mitt eich.

Di Apostelgeschichte 28:5

Avvah eah hott di shlang abkshiddeld in's feiyah, un's hott eem nix gedu.

Di Offenbarung 11:5

Vann ennich ebbah ebbes du vill zu eena fa si vay du, dann kumd feiyah aus iahra meilah un fazeaht iahra feinda. Vann ennich ebbah ebbes du vill zu eena, dann muss eah sellah vayk doht gmacht vadda.

Ezekiel 2:6

Un du, mensha-kind, feich dich nett veyyich eena adda iahra vadda. Feich dich nett, even vann shtachla un danna um dich rumm sinn un du uf scorpions hoksht. Feich dich nett veyyich iahra vadda un vi si dich ohgukka, veil si en shteibahrich haus sinn.

Jesoiya 11:8

En glay kind zayld shpeela am loch funn di rassel-shlang, un en yung kind dutt sei hand uf en giftichi shlang iahra nesht.

2. Chronik 10:11

Mei faddah hott en shveah yoch uf eich gedu, avvah ich zayl's noch shveahrah macha. Mei faddah hott eich kshlauwa mitt fitza, avvah ich zayl eich shlauwa mitt scorpions.’”

Lukas 11:12

adda vann eah frohkt fa en oi, gebt eah eem en scorpion?