Kolosser 4:6 - Pennsylvania Dutch Bible

⁶ Losset eiyah kshvetz immah foll gnawt sei, un ksalsa mitt sals, so es diah vissa kennet vi zu andvadda zu alli-ebbah.

Kolosser 4:6 Referans Kwoze

Epheser 4:29

Losset kenn shlechti kshvetzah aus eiyah maul kumma, avvah yusht so sacha es ufbauwa, so es selli vo heahra goodes raus greeya.

1. Petrus 3:15

avvah heilichet Gott es da Hah in eiyah hatza. Un seind immah grisht fa en andvat gevva mitt daymoot un furcht zu alli-ebbah es eich frohkt veyyich di hofning es in eich is.

Breddichah 10:12

Di vadda aus em maul fumm mann mitt veisheit macha een ohksenna sei, avvah di vadda fumm unksheida mann bringa een zu nix.

Markus 9:50

Sals is goot, avvah vann's sei graft faliaht, vi kann di graft zrikk nei gedu vadda? Machet es diah sals in eich hend, un es diah fridda unnich nannah hend.”

Shpricha 15:4

En zung es hayld, is vi en bohm funn layva, avvah en fafiahrichi zung macht da geisht moot faliahra.

Shpricha 15:7

Di leftz funn sellah es veisheit hott, shtroiya goodah roht, avvah's hatz funn di unksheida is nett so.

Kolosser 3:16

Losset's Vatt funn Christus in eich voona in alli veisheit, vi diah nannah lannet un famohnet mitt psaltah un lohb-leedah un geishtlich singes. Singet zumm Hah mitt gnawt in eiyah hatza.

Matthäus 5:13

“Diah sind's sals funn di eaht. Vass kann ma du mitt sals vann's nimmi salsich is? Es is nett goot fa ennich ebbes es vi's uf da bodda shmeisa fa druff lawfa.

Shpricha 10:21

Di leftz funn di gerechta helfa feel, avvah di unksheida kumma um veil si kenn veisheit henn.

Psalm 119:46

Ich zayl shvetza veyyich dei zeiknisa fannich kaynicha, un ich zayl mich nett shemma.

Psalm 105:2

Singet zu eem, un lohvet een, sawwet veyyich awl sei vundahboahri verka!

Psalm 45:2

Du bisht da shensht unnich di mensha-kinnah; dei leftz sinn ksalbt mitt gnawt, un Gott hott dich ksaykend fa'immah.

Lukas 4:22

Si henn awl goot kshvetzt veyyich eem, un henn gvunnaht veyyich di goodi vadda es eah ksawt hott; un si henn ksawt, “Is dess nett em Joseph sei boo?”

Psalm 119:13

Mitt mei leftz fazayl ich awl di adnunga funn deim maul.

Psalm 66:16

Kummet un heichet, awl diah es Gott firchtet; losset mich eich sawwa vass eah gedu hott fa mich.

1. Chronik 16:24

Fazaylet veyyich sei hallichkeit unnich di heida, un veyyich sei vundahboahri verka unnich awl di leit.

5. Mosi 11:19

Diah sellet si zu eiyah kinnah lanna, un sellet shvetza veyyich si vann diah in eiyah haus hokket, vann diah am vayk nohch lawfet, vann diah eich anna layyet un vann diah uf shtaynd.

3. Mosi 2:13

Alli shpeis-opfah soll ksalsa sei. Loss es sals fumm bund funn deim Gott nett aus dei shpeis-opfah. Du sals in awl dei opfahra.

Ezekiel 43:24

un solsht si opfahra fannich em Hah. Di preeshtah sella sals uf si du un si opfahra fa en brand-opfah zumm Hah.