Kolosser 3:13 - Pennsylvania Dutch Bible

¹³ Doond uf mitt-nannah, un fagevvet nannah vann ebbah ebbes hott geyyich en anra. Vi da Hah eich fagevva hott, so missa diah fagevva.

Kolosser 3:13 Referans Kwoze

Epheser 4:32

Seind bamhatzich un vayyich-hatzich zu nannah; fagevvet nannah grawt vi Gott eich fagevva hott in Christus.

Markus 11:25

Un vann diah shtaynd am bayda un hend ebbes geyyich ebbah, fagevvet een, so es eiyah Faddah im Himmel eich eiyah faylah aw fagebt.

Jakobus 2:13

Fa's zayld en unbamhatzich gericht uf sellah kumma vo kenn bamhatzichkeit veist, un di bamhatzichkeit froit sich ivvah's gericht.

Epheser 4:2

Seind daymeedich un hayvet eich nett ovvich anri; seind geduldich un layvet mitt-nannah in leevi.

Matthäus 6:12

Un fagebb unsah shulda, vi miah dee fagevva vo uns shuldich sinn.

2. Korinther 6:6

in sauvah layva, in eisicht, in geduld, in freindlichkeit, im Heilicha Geisht, in ufrichtichi leevi,

Galater 6:2

Helfet nannah vann diah nunnah-glawda sind, un sellah vayk folfillet's Ksetz funn Christus.

2. Korinther 2:10

Vann diah ennich ebbahm ebbes fagevva hend, dann fagebb ich eem aw. Vass ich fagevva habb—vann ennich ebbes voah zu fagevva—habb ich fagevva fa eiyah sayk fannich Christus.

Lukas 23:34

Jesus hott no ksawt, “Faddah, fagebb eena dess, fa si vissa nett vass si doon.” Un si henn gezowwa im lohs fa sei glaydah fadayla.

Lukas 11:4

Un fagebb uns unsah sinda, vi miah dee fagevva vo uns shuldich sinn. Un fiah uns nett in di fasuchung, avvah hald uns fumm evila.’”

Matthäus 5:44

Avvah ich sawk eich; diah sellet eiyah feinda leeva. Sayknet dee vo eich faflucha. Doond goodes zu dee vo eich hassa. Baydet fa dee vo eich fafolka un veesht yoosa,

1. Petrus 2:21

Zu demm voahret diah groofa, veil Christus aw glidda hott un hott eich en foah-bild glost, es diah in sei foos-dabba nohch kumma sellet.

Römer 15:7

Fasell, nemmet nannah oh grawt vi Christus uns ohgnumma hott zumm lohb funn Gott.

Kolosser 3:12

So es vi selli vo raus groofa sinn bei Gott, un vo heilich un leeblich sinn, doond eich oh mitt hatzlichi bamhatzichkeit, freindlichkeit, daymoot, sanftmoot un geduld.

Epheser 5:2

Un lawfet in leevi, so vi Christus uns leeb katt hott, un hott sich selvaht ufgevva fa uns fa en kshenk un en sees-shmakkich opfah zu Gott.

Shpricha 19:11

En mann sei veisheit gebt eem geduld; 'sis zu sei eah vann eah's fa'achta dutt vann eah faletzt vatt.