Joshua 19:9 - Pennsylvania Dutch Bible

⁹ Di kinnah fumm Simeon henn iahra eahbshaft grikt aus em land es gevva voah zu di leit funn Juda, veil si may katt henn es si gebraucht henn. So henn di Simeoniddah iahra land grikt aus em land funn di leit funn Juda.

Joshua 19:9 Referans Kwoze

2. Mosi 16:18

Un vo si's gmessa henn bei di gvoaht, sellah vo feel gegeddaht katt hott, hott nix ivvahrich katt, un sellah vo yusht bissel gegeddaht katt hott, hott genunk katt. Yaydah vann hott yusht gegeddaht vass eah gebraucht hott fa essa.

1. Mosi 49:7

Faflucht is iahra zann, fa es is heslich, un aw iahra baysi verka, fa si henn kenn bamhatzichkeit. Ich fadayl si funn-nannah in Jakob, un shtroi si ausnannah in Israel.

Joshua 19:8

Dess hott awl di shtett un nochbahshafta eignumma so veit es Baalath-Beer (adda Ramath) in di saut. Sell voah awl di eahbshaft fumm Simeon sei nohch-kummashaft in family-drubba.

Joshua 19:10

Es dritt lohs is uf em Sebulon sei nohch-kummashaft kfalla. Yaydah family drubb hott samm land grikt. Di lein funn iahra eahbshaft land is so veit ganga es Sarid.

Ezekiel 48:7

Da Juda soll ay dayl havva un sei land gayt unna am Ephraim sei land nohch funn east zu west.

4. Mosi 26:54

Zu en grohsi drubb gebb en grohsi eahbshaft, un zu en glenni drubb gebb en glenni eahbshaft. Si sella iahra eahbshaft greeya bei vi feel es es sinn funn eena.