Joshua 10:42 - Pennsylvania Dutch Bible

⁴² Da Joshua hott awl dee kaynicha un iahra lendah gnumma an ay zeit veil da Hah, da Gott funn Israel, kfochta hott fa Israel.

Joshua 10:42 Referans Kwoze

Joshua 10:14

Un's voah nee kenn dawk vi sell difoah adda siddah—en dawk es da Hah abkeicht hott zu di shtimm funn en mann. Dess voah veil da Hah kfochta hott fa Israel.

Psalm 46:7

Da Awlmechtich Hah is mitt uns, da Gott fumm Jakob is unsah sayfah Roo-Blatz. (Sela)

Psalm 80:3

Mach uns vass miah als voahra, oh Gott, un loss es licht funn dei ksicht uf uns sheina, so es miah kolfa sei kenna.

Jesoiya 43:4

Veil du so kfellich un hohch gacht bisht in mei awwa, un veil ich dich leeb habb, dann gebb ich anri mensha uf an deim blatz, un anri leit fa dei layva.

Psalm 118:6

Da Hah is bei miah, ich zayl mich nett feicha. Vass kenna di mensha du zu miah?

Psalm 46:11

Da Awlmechtich Hah is mitt uns, da Gott fumm Jakob is unsah sayfah Roo-Blatz. (Sela)

Psalm 46:1

Gott is unsah sayfah Roo-Blatz un unsah Graft; eah is immah datt fa helfa an di zeit funn druvvel.

5. Mosi 20:4

Fa da Hah eiyah Gott gayt mitt eich, un zayld fechta fa eich geyyich eiyah feinda, un zayld eich helfa.”

2. Mosi 14:25

Eah hott iahra veyya reddah gmacht ab kumma un si henn druvvel katt foahra. Endlich henn di Egyptah ksawt, “Vella uns fabutza, vekk funn di Israeliddah; da Hah is am fechta fa si geyyich di Egyptah.”

2. Mosi 14:14

Da Hah zayld fechta fa eich un diah brauchet yusht shtill sei.”

Joshua 10:43

No is da Joshua un gans Israel mitt eem zrikk an iahra tents ganga an Gilgal.