Johannes 9:31 - Pennsylvania Dutch Bible

³¹ Miah vissa es Gott nett abheicht zu sindah, avvah vann ebbah Gott deend un dutt sei villa, dann dutt eah eem abheicha.

Johannes 9:31 Referans Kwoze

Shpricha 15:29

Da Hah is veit vekk funn di gottlohsa, avvah eah heaht's gebayt funn di gerechta.

Jesoiya 1:15

Vann diah eiyah hend naus hayvet fa bayda, dann mach ich mei awwa zu fannich eich. Ich du dess even vann diah feel baydet; ich heich eich nett ab, veil eiyah hend foll bloot sinn.

Shpricha 28:9

Ebbah es sei oah vekk drayt funn's ksetz heahra, macht even sei gebaydah grausam.

Micha 3:4

No zayla si naus roofa zumm Hah, avvah eah gebt eena kenn andvat. An selli zeit zayld eah sei ksicht fashtekla funn eena, veil si evil gedu henn.

Psalm 145:19

Eah folfild di falanga funn selli es een firchta, eah heaht si roofa un helft eena.

Sacharia 7:13

‘Vo ich groofa habb henn si nett abkeicht, so vo si groofa henn habb ich nett abkeicht,’ sawkt da Awlmechtich Hah.

Shpricha 21:13

Veah sei oahra zu shtobt zumm roofes funn di oahma, zayld selvaht aw naus roofa un nett keaht sei.

Jeremia 14:12

Vann si fashta, zayl ich iahra roof nett abheicha; vann si brand-opfah un shpeis-opfah opfahra, zayl ich si nett ohnemma. In blatz funn sellem, zayl ich si umbringa mitt em shvatt, hungahs-noht un peshtelens.”

Johannes 15:16

Diah hend mich nett raus groofa, avvah ich habb eich raus groofa un eich eiksetzt fa gay un frucht foah bringa, un es eiyah frucht bleiva soll; so es vass-evvah es diah da Faddah frohwet in meim nohma, sell gebt eah zu eich.

Ezekiel 8:18

Fasell, zayl ich shaffa geyyich si in meim zann. Mei awwa zayla si nett davvahra adda gnaydich sei zu eena. Even vann si in mei oahra greisha, dann zayl ich si nett abheicha.”

Johannes 4:34

Jesus hott ksawt zu eena, “Mei ess-sach is fa da villa du funn demm vo mich kshikt hott, un fa sei eahvet faddich macha.

Psalm 18:41

Si henn groofa fa hilf, avvah's voah nimmand fa eena helfa; si henn zumm Hah groofa, avvah eah hott kenn andvat gevva.

Hiob 42:8

So nau nemmet sivva bulla un sivva shohf-bekk zu meim gnecht da Hiob, un opfahret en brand-opfah fa eich selvaht. Mei gnecht da Hiob zayld bayda fa eich, un ich heich sei gebayt oh. Fasell doon ich nett mitt eich vi ich sett fa vass diah fadeend hend. Diah hend nett kshvetzt vass recht is veyyich miah vi mei gnecht da Hiob hott.”

Hiob 35:12

Eah gebt kenn andvat vann leit roofa zu eem, deich da hohchmoot funn di gottlohsa.

Johannes 7:17

Vann ennich ebbah Gott sei villa du vill, dann find eah aus eb's funn Gott is vass ich eich lann, adda eb's is funn miah selvaht.

Jeremia 15:1

No hott da Hah ksawt zu miah, “Even vann da Mosi un da Samuel fannich miah shtay dayda, doch dayt mei hatz nett zu dee leit drayya. Dreib si vekk funn miah! Loss si gay!

Jeremia 11:11

Fasell sawkt da Hah dess, ‘Gukk moll, ich zayl evil uf si kumma lossa es si nett vekk kenna difunn. Even vann si roofa zu miah, zayl ich si nett abheicha.

Jesoiya 58:9

No zaylet diah roofa, un da Hah gebt andvat, diah zaylet greisha fa hilf, un da Hah sawkt, ‘Do binn ich.’ Vann diah's yoch vekk doond unnich eich, un ufheahret di fingah naus shtrekka, un evil shvetza veyyich anri,

Psalm 143:10

Lann mich fa dei villa du, fa du bisht mei Gott; loss dei goodah Geisht mich uf en ayvani pawt fiahra.

1. Mosi 20:7

So gebb nau demm mann sei fraw viddah zrikk fa eah is en brofayt, un eah zayld bayda fa dich so es du layva kansht. Avvah vann du see nett zrikk gebsht dann kansht du geviss vissa es du un awl selli es dei sinn shtauva zayla.”

1. Mosi 19:29

Un so is es zu kumma vo Gott di shtett funn di valley ivvah-kshmissa hott, dann hott eah an da Abraham gedenkt, un hott da Lot aus di shtett kshikt es eah ivvah-kshmissa hott, dee vo da Lot drinn gvoond katt hott.

Psalm 106:23

Vo Gott ksawt hott eah zayld si umbringa, hott da Mosi, em Gott sei raus-groofanah, sich zvishich si un Gott kshteld, un hott Gott sei zann kalda funn si umbringa.

Psalm 99:6

Da Mosi un da Aaron voahra sei preeshtah, da Samuel voah funn selli es sei nohma ohgroofa henn. Si henn da Hah ohgroofa, un eah hott eena andvat gevva.

Psalm 40:8

Ich froi mich fa dei villa du, oh mei Gott, dei Ksetz is in meim hatz.”

Hebräer 10:7

No habb ich ksawt, ‘Gukk moll, ich binn kumma fa dei villa du, oh Gott. Im buch shtayt's kshrivva funn miah.’”

5. Mosi 1:45

No sind diah zrikk kumma un hend keild fannich em Hah. Avvah da Hah hott eiyah shtimm nett abkeicht, un hott sei oah nett zu eich gedrayt.

Hiob 35:13

Es dutt si kenn goot fa roofa, veil Gott si nett abheicht, un da Awlmechtich fa'acht si.

Johannes 9:30

No hott da mann ksawt, “Vei dess is en vundahboahlich ding! Diah visset nett vo eah bei kumd, even noch demm es eah mei awwa uf gmacht hott?

Johannes 9:32

Nett siddah da ohfang funn di veld voah's keaht vo ebbah en mann sei awwa uf gmacht hott es blind geboahra voah.

Johannes 11:22

Un even nau, vays ich vann du ennich ebbes frohksht funn Gott dutt eah diah's gevva.”