Johannes 6:24 - Pennsylvania Dutch Bible

²⁴ No vo di leit ksenna henn es Jesus nett datt voah, un aw nett sei yingah, sinn si selvaht in di boats nei un sinn noch Kapernaum ganga am sucha fa Jesus.

Johannes 6:24 Referans Kwoze

Johannes 6:17

sinn in en boat nei un sinn ivvah da say nivvah kshteaht geyyich Kapernaum. Es voah nau dunkel un Jesus voah alsnoch nett runnah zu eena kumma.

Markus 1:37

Vo si een kfunna henn, henn si ksawt zu eem, “Alli-ebbah is am gukka fa dich.”

Johannes 20:15

Jesus hott ksawt zu iahra, “Veibsmensh, favass bisht du am heila? Veah bisht du am gukka difoah?” See hott gmaynd eah voah da goahra-haldah un hott ksawt zu eem, “Vann du een vekk gedrawwa hosht, sawk miah vo du een hee glaykt hosht, no vill ich een vekk nemma.”

Johannes 7:11

Di Yudda voahra am gukka gvest fa een an demm fesht un henn ksawt, “Vo is eah?”

Johannes 6:59

Dess hott eah ksawt vi eah si gland hott im Yudda gmay-haus in Kapernaum.

Johannes 6:23

Es sinn avvah samm boats funn Tiberias nayksht an da blatz kumma vo di leit broht gessa katt henn noch demm es da Hah dank gevva katt hott.

Lukas 8:40

No vo Jesus zrikk kumma is, voahra di leit froh fa een sayna, fa si voahra awl am voahra uf een.

Markus 6:53

Un vo si nivvah uf di annah seit kumma sinn, sinn si an's land funn Genezareth kumma, un henn's boat fesht gmacht am land nohch.

Matthäus 14:34

Un vo si drivvah nivvah kumma voahra sinn si an's land Genezareth kumma.

Johannes 6:26

Jesus hott ksawt zu eena, “Voahlich, voahlich, ich sawk eich, diah suchet mich nett veil diah di zaycha ksenna hend, avvah veil diah eich satt gessa hend mitt sellem broht.