Johannes 12:3 - Pennsylvania Dutch Bible

³ No hott di Maria en pund oahrich deiyah greidah-ayl gnumma un hott Jesus sei fees ksalbt mitt. No hott see sei fees ab gebutzt mitt iahra hoah. Es gans haus voah kfild mitt em gooda kshmakk funn demm greidah-ayl.

Johannes 12:3 Referans Kwoze

Johannes 11:2

Es voah selli Maria vo da Hah ksalbt hott mitt greidah-ayl un hott sei fees ab gebutzt mitt iahra hoah. Es voah iahra broodah da Lazarus vo grank voah.

Johannes 11:32

No vo di Maria anna kumma is vo Jesus voah un hott een ksenna, is see an sei fees kfalla, un hott ksawt, “Hah, vann du do gvest veahsht, veah mei broodah nett kshtauva.”

Lukas 7:46

Du hosht mei kobb nett ksalbt mitt ayl, avvah see hott mei fees ksalbt mitt salb-ayl.

Johannes 11:28

Vo see dess ksawt katt hott, is see ganga un hott iahra shveshtah Maria groofa un hott gepishpaht zu iahra, “Da Hah is do un is am frohwa fa dich.”

Hohches Leet 1:3

Dei salb-ayl shmakt goot; dei nohma is vi goot-shmakkich salb-ayl. Kenn vunnah doon di mayt dich gleicha!

Hohches Leet 1:12

Diveil es da kaynich an seim dish voah, voah da kshmakk funn mei goot-shmakkich ayl in di luft.

Psalm 132:2

Eah hott kshvoahra zumm Hah, un hott fashprocha zumm Mechticha Gott fumm Jakob:

Hohches Leet 4:10

Dei leevi is so blesiahlich, mei shveshtah, mei hochtzich-maydel! Dei leevi is bessah es vei, un da goot kshmakk funn dei salb-ayl is bessah es seesi shpeis.

Lukas 10:42

avvah ay ding is nohtvendich. Di Maria hott sell goot dayl gnumma un's soll nett vekk gnumma vadda funn iahra.”

Johannes 19:39

Da Nicodemus, vo seahsht zu eem kumma is ay nacht, is aw kumma un hott baut en hunnaht pund shpeis gebrocht es myrrhe un aloe zammah gmixt voah.

Shpricha 27:16

fa see shtobba is vi broviahra da vind shtobba, adda fa broviahra ayl hayva in dei rechtsi hand.