Johannes 10:6 - Pennsylvania Dutch Bible

⁶ Jesus hott dess gleichnis gevva zu eena, avvah si henn nett fashtanna vass eah gmaynd hott dibei.

Johannes 10:6 Referans Kwoze

Jesoiya 56:11

Si sinn greedichi hund, es nett satt vadda, si henn nee nett genunk. Si sinn shohf-heedah es nix fashtayn, si gayn iahra ayknah vayk, si gukka yusht aus fa sich selvaht, alli vann funn eena.

Shpricha 28:5

Leit es evil doon, fashtayn nett vass feah is, avvah selli es zumm Hah gukka, fashtayn's goot.

Psalm 82:5

Dee gettah vissa nix, un fashtayn nix, si lawfa rumm im dunkla; awl di foundations funn di eaht sinn kshiddeld.

Johannes 16:25

Ich habb dee sacha ksawt zu eich in gleichnisa. Di zeit is am kumma vann ich nimmi shvetz zu eich in gleichnisa, avvah ich shvetz no playn un deidlich zu eich veyyich em Faddah.

Matthäus 13:51

Jesus hott si no kfrohkt, “Hend diah dess alles fashtanna?” Si henn ksawt zu eem, “Yau.”

Daniel 12:10

Feel leit zayla rein un sauvah gmacht sei, avvah di ungettlicha zayla ohhalda ungettlich sei. Kens funn di ungettlicha zayla fashtay, avvah selli mitt veisheit zayla fashtay.

Psalm 106:7

Vo unsah foah-feddah in Egypta voahra, henn si dei vundahra nett fashtanna; Si henn dei grohsi bamhatzichkeit fagessa, un si henn sich kshteibaht am say, am Rohda Say.

1. Johannes 5:20

Miah vissa es Gott sei Sohn kumma is, un hott uns eisicht gevva, so es miah deah kenna kenna es voahheit is. Miah sinn in demm vo di voahheit is, sell is, in sei Sohn Jesus Christus. Eah is da voahhaftich Gott un's ayvich layva.

1. Korinther 2:14

Da nadiahlich mann nemd nett di sacha oh vo sinn fumm Geisht Gottes; fa si sinn dumhayda zu eem. Eah kann si aw nett fashtay, veil si fashtanna sei missa deich's geishtlicha.

Johannes 8:43

Favass kennet diah nett fashtay vass ich sawk? Es is veil diah nett shtenda kennet fa mei Vatt heahra.

Johannes 8:27

Si henn nett fashtanna es eah kshvetzt hott zu eena veyyich em Faddah.

Johannes 7:36

Vass maynd eah bei sawwa, ‘Diah zaylet mich sucha un zaylet mich nett finna,’ un, ‘Vo ich binn, kennet diah nett hee kumma’?”

Johannes 6:60

Vo si dess keaht henn, henn feel funn sei yingah ksawt, “Dess sinn haddi vadda, veah kann si heahra?”

Johannes 6:52

No henn di Yudda ohkfanga eiyahra unnich nannah, un henn ksawt, “Vi kann deah mann uns sei flaysh gevva fa essa?”

Matthäus 13:34

Jesus hott awl dess ksawt zu di leit in gleichnisa, un eah hott nix ksawt zu eena unni deich en gleichnis.

Markus 4:34

Eah hott nett kshvetzt zu eena unni deich gleichnisa, avvah vann si als laynich voahra hott eah alles ausglaykt zu sei yingah.

Johannes 16:29

No henn sei yingah ksawt zu eem, “Nau bisht du am playn shvetza un nimmi in gleichnisa.

2. Petrus 2:22

Es is eena ganga es vi's sawkt in di voahra shprich-vadda: “Da hund is viddah zrikk gedrayt zu sei ayknah kotz,” un, “Di sau es gvesha is, gayt viddah zrikk in iahra drekk-loch.”