Johannes 1:37 - Pennsylvania Dutch Bible

³⁷ Di zvay yingah henn een keaht dess sawwa no sinn si Jesus nohch ganga.

Johannes 1:37 Referans Kwoze

Römer 10:17

So dann, da glawva kumd deich heahra, un heahra kumd deich's Vatt Gottes.

Johannes 1:43

Da neksht dawk hott Jesus viddah noch Galilaya gay vella. Eah hott da Philippus kfunna un hott ksawt zu eem, “Kumm miah nohch.”

Di Offenbarung 22:17

Da Geisht un's hochtzich-maydel sawwa, “Kumm.” Un loss deah vo heaht, sawwa, “Kumm.” Un loss deah vo dashtich is kumma. Un ennich ebbah es vill, loss een's vassah funn layva nemma unni's betzawla.

Sacharia 8:21

un di leit funn ay shtatt gayn in di annah un sawwa, ‘Vella grawt gay un da Hah ohbayda, un da Awlmechtich Hah sucha. Ich selvaht zayl aw gay.’

Epheser 4:29

Losset kenn shlechti kshvetzah aus eiyah maul kumma, avvah yusht so sacha es ufbauwa, so es selli vo heahra goodes raus greeya.

Shpricha 15:23

Es is en frayt zu en mann vann eah en goot andvat gebt, un vi goot is es recht vatt an di recht zeit!

Johannes 1:36

un eah hott Jesus ksenna lawfa. No hott eah ksawt, “Gukket moll, dess is Gottes Lamm.”

Johannes 1:38

Jesus hott sich rumm gedrayt un hott si ksenna eem nohch kumma un hott kfrohkt, “Vass suchet diah?” No henn si ksawt, “Rabbi (sell maynd Teetshah), vo bleibsht du?”