Joel 1:12 - Pennsylvania Dutch Bible

¹² Da vei-shtokk is ufgedrikkeld un da feiya-bohm favelkt; da grannat-abbel-bohm, da palma-bohm un da abbel-bohm— awl di baym im feld sinn ufgedrikkeld. Di frayt fumm mensh is zu dreebsawl gedrayt.

Joel 1:12 Referans Kwoze

Jesoiya 24:11

In di shtrohsa greisha si naus fa vei, nimmand froit sich un leit sinn bedreebt, di fraylichkeit is vekk gnumma funn di eaht.

Jesoiya 16:10

Di frayt funn di eahn is vekk gnumma funn di fruchtboahra feldah; nimmand singd mitt frayt in di vei-goahra, un nimmand drett da vei raus in di vei-pressa. Ich habb's singes kshtobt.

Joel 1:16

Voah nett's ess-sach vekk gnumma fannich unsah awwa, un di frayt un fraylichkeit fumm haus funn unsah Gott?

Joel 1:10

Es feld is faveesht, da grund is ufgedrikkeld. Es frucht is fadauva, da vei is fadrikkeld un's is kenn ayl.

Hohches Leet 2:3

Mei beleebdah unnich yungi mennah is vi en abbel-bohm unnich di baym im bush. Ich gleich in seim shadda hokka un sei frucht is sees zu miah.

Haggai 2:19

Is ennichah sohma ivvahrich in di sheiyah? Biss nau henn di drauva-ranka, da feiya-bohm, da grannat-abbel-bohm, un da ayl-bohm kenn frucht gevva. Avvah funn demm dawk on zayl ich eich saykna.’”

Jeremia 48:33

Fraylichkeit un frayt sinn vekk gnumma fumm fruchtboah land funn Moab. Ich habb da vei gmacht ufheahra lawfa funn di vei-pressa; nimmand drett di drauva aus mitt frayt. Es gegreish kumd nett funn fraylichkeit.

Jeremia 48:3

Di leit funn Horonaim greisha naus, ‘Faveeshtung un grohs fadauves!’

Jesoiya 9:3

Du hosht di leit feel gmacht, un hosht eena grohsi frayt gevva; si froiya sich fannich diah, so vi leit sich froiya an di eahn, so vi leit sich froiya vann's sach fadayld vatt es gnumma voah im greek.

Hohches Leet 4:13

Dei blansa sinn vi en grannat-abbel bamgoahra, mitt shayni frucht, mitt blumma un goot-shmakkichi greidah-ayl

Psalm 92:12

Di gerechta zayla goot du vi en palma-bohm, un zayla vaxa vi en cedar-bohm in Lebanon.

Psalm 4:7

Du hosht frayt in mei hatz gedu, may es si henn vann si feel frucht un neiyah vei henn.

4. Mosi 13:23

No sinn si an di Valley funn Eskol kumma, un datt henn si en nasht abkshnidda mitt yusht ay hengel drauva. Zvay mennah henn deah hengel gedrawwa uf en pohl zvishich eena, mitt aw samm grannat-ebbel un feiya.

Jesoiya 24:7

Di vei-shtekk drikla uf, un da nei vei vatt vennich; awl di lushticha zayla yammahra.

Jona 4:7

Avvah da neksht meiya vi's am dawk vadda voah hott Gott en voahm gmacht da shtokk ohfressa so es ah fadatt is.

Maleachi 3:11

Ich hald's ungetziffah es es eiyah crops nett frest, un mach di vei-shtekk es si nett unfruchtboah sinn,” sawkt da Awlmechtich Hah.