Jesoiya 7:25 - Pennsylvania Dutch Bible

²⁵ Un awl di hivla es di leit als kshaft henn mitt di hakk, datt zayld nimmand may anna gay veil si sich feicha veyyich di danna un di hekka. Si zayla yusht bletz sei fa's fee lohs drayya un fa di shohf lossa's nunnah dredda.

Jesoiya 7:25 Referans Kwoze

Zephania 2:6

Es land am say nohch vatt vayt-feldah, en blatz fa shohf-heedah un shohf-penna.

Jesoiya 17:2

Di shtett funn Aroer zayla kenn leit drinn havva, di shohf layya sich anna drinn, un nimmand macht si sich feicha.

Jesoiya 5:17

No zayla di lemmah datt vayda es vi in iahra aykni feldah, un fremdi zayla essa in di reicha iahra fadauvani bletz.

Jesoiya 7:19

Si zayla awl kumma un shvoahma in di deefi deicha, in di felsa-lechah, uf awl di danna-putsha un an awl di vassah-lechah.

Jesoiya 7:24

Leit zayla datt anna kumma mitt bows un arrows veil's land yusht danna un hekka havva zayld.

Hosea 4:16

Israel is dikk-kebbich, un shteibahrich vi en rind. So kann da Hah si nau vayda vi en lamm in en grohs feld?