Jesoiya 64:7 - Pennsylvania Dutch Bible

⁷ Nimmand rooft dei nohma oh, adda broviaht hohld nemma funn diah; du hosht dei ksicht fashtekkeld funn uns un losht uns fagay in di macht funn unsah sinda.

Jesoiya 64:7 Referans Kwoze

Ezekiel 22:30

Ich habb gegukt fa en mann unnich eena fa di vand ufbauwa, un fa fannich mich shtay im loch zvishich miah un em land, so es ich's nett folshtendich fadauva muss, avvah ich habb nimmand kfunna.

Hosea 7:14

Si roofa nett zu miah mitt ufrichtichi hatza, avvah si yammahra uf iahra beddah. Si kumma zammah fa frucht un neiyah vei, avvah drayya sich vekk funn miah.

Jesoiya 59:16

Eah hott ksenna es nimmand datt voah; eah hott sich fashtaund es nimmand datt voah fa ufshtay digeyya; so is eah selli sacha ivvah-kumma mitt sei ayknah oahm, un sei gerechtichkeit hott bei eem kshtanna.

Hosea 7:7

Si sinn awl hays vi en bakk-offa, un si macha iahra roolahs doht. Awl iahra kaynicha falla, un kens funn eena rooft mich oh.

Jesoiya 59:2

Avvah eiyah sinda henn eich vekk gnumma funn eiyah Gott; eiyah sinda henn sei ksicht fashtekkeld funn eich, so es eah nett heahra dutt.

Jesoiya 54:8

Mitt en shnellah ohfang funn zann, habb ich mei ksicht fashtekkeld funn diah fa vennich, avvah mitt ayvichi leevi, zayl ich bamhatzich sei zu diah,” sawkt da Hah es dich saylich macht.

Jesoiya 50:2

Favass voah nimmand datt vo ich kumma binn? Vo ich groofa habb, favass hott nimmand andvat gevva? Voah mei oahm zu katz fa eich frei setza? Voah ich zu shvach fa eich zrikk hohla? Gukket moll, yusht bei zanka, dann drikkel ich da say uf, un mach di revvahra in en vildahnis, iahra fish gayn doht un fafaula, si fadashta unni vassah.

Jesoiya 27:5

Vann di feinda funn mei vei-goahra havva vella es ich si heeda du, dann loss si fridda macha mitt miah, yau, loss si fridda macha mitt miah.”

Hosea 5:15

No gayn ich zrikk an mei blatz, biss si iahra shuld bekenna un gukka fa mei ksicht. In iahra aylend zayla si mich eahnshtlich sucha.”

Ezekiel 24:11

Du da leah kessel uf di gloot so es da kessel hays vatt un sei kubbah roht hays vatt; un so es sell vass unrein is fashmelst un sei rosht fabrend vatt.

Jeremia 9:7

So dess is vass da Awlmechtich Hah sawkt: “Gukket moll, ich zayl si reinicha mitt feiyah, un si ausbroviahra. Vass shunsht kann ich du, vann ich sayn vass mei leit gedu henn?

Jesoiya 59:4

Nimmand is eahlich veyyich leit iahra recht, un nimmand bringd sei ayya sach eahlich foah. Si falossa sich uf leit fashtatzt macha un uf leeya, si shteahra mitt druvvel un enda mitt sinda.

Jesoiya 57:17

Ich voah zannich veil eah so sindlich un greedich voah, ich habb een kshtrohft, un mei ksicht fashtekkeld in meim zann. Avvah eah hott ohkalda vekk drayya, un sei ayya hatz nohch gay.

Jesoiya 56:4

Dess is vass da Hah sawkt: “Di beshniddana es mei Sabbat halda un ausmacha fa du vass miah kfellich is un es mei bund halda,

Jesoiya 1:15

Vann diah eiyah hend naus hayvet fa bayda, dann mach ich mei awwa zu fannich eich. Ich du dess even vann diah feel baydet; ich heich eich nett ab, veil eiyah hend foll bloot sinn.

Psalm 14:4

Doon selli es evil shaffa nett fashtay, selli es mei leit uf fressa vi broht, un roofa nett zumm Hah?

Hiob 8:4

Dei kinnah henn an demm ksindicht geyyich Gott, so hott eah si ivvah-gedrayt zu di shtrohf funn iahra sinda.

2. Mosi 32:12

Favass sedda di Egyptah sawwa, ‘Eah hott si poahbes raus kfiaht so es eah si doht macha kann in di hivla un si ausreiva kann funn di eaht’? Dray vekk funn deim shreklicha zann, loss nohch un du nett deah shawda zu dei leit.

Hiob 10:9

Denk droh es du mich gmacht hosht aus eaht. Zaylsht du mich nau viddah zu shtawb drayya?

Psalm 100:3

Bekennet es da Hah Gott is; eah hott uns gmacht, un miah sinn sei; miah sinn sei leit, un di shohf funn sei vayt.

Jesoiya 45:9

“Vay zu sellah es zatt mitt seim Ksheftah, sellah es yusht en eahdich ksha is unnich di anra ksharra uf em bodda. Dutt da clay sawwa zumm heffa-machah, ‘Vass bisht du am macha?’ adda, sell vass am gmacht vadda is, ‘Eah hott kenn hend’?

Jesoiya 63:16

Avvah du bisht unsah Faddah; da Abraham vayst nix funn uns, un da Israel kend uns nett, doch, du bisht unsah Faddah, oh Hah, “Unsah Frei-Shtellah” is dei nohma funn lang zrikk.

Maleachi 1:6

“En sohn gebt seim faddah eah, un en gnecht eaht sei meishtah. Vann ich en faddah binn, dann vo is mei eah? Vann ich en meishtah binn, veah feicht sich veyyich miah?” sawkt da Awlmechtich Hah. “Es is eich, diah preeshtah, es mei nohma fa'achta. Avvah diah sawwet, ‘Vi henn miah dei nohma fa'acht?’

Maleachi 2:10

Henn miah nett awl ay Faddah? Hott nett ay Gott uns kshaffa? So favass fabrecha miah's bund funn unsah foah-feddah bei nett eahlich sei mitt-nannah?