Jesoiya 59:11 - Pennsylvania Dutch Bible

¹¹ Miah gnarra vi beahra, miah yammahra vi dauva; miah gukka fa unsah recht, avvah finna's nett, fa saylichkeit, avvah's is veit vekk.

Jesoiya 59:11 Referans Kwoze

Jesoiya 38:14

Ich habb gepiffa vi en shvalma un en vassah-fokkel, un habb gyammaht vi en daddel-daub; mei awwa voahra shvach vi ich nuff gegukt habb. Ich binn gedruvveld, oh Hah, helf miah!”

Ezekiel 7:16

Selli es ivvahrich sinn un es vekk kumma zayla uf di berga sei un zayla yammahra vi di dauva in di deicha, awl dess yaydahs deich sei aykni sinda.

Hosea 7:14

Si roofa nett zu miah mitt ufrichtichi hatza, avvah si yammahra uf iahra beddah. Si kumma zammah fa frucht un neiyah vei, avvah drayya sich vekk funn miah.

Jeremia 9:1

Oh, ich vott mei kobb veah en vassah-brunna, un mei awwa en vassah-shpring funn awwa-vassah, so es ich heila kend dawk un nacht fa mei leit es doht gmacht voahra!

Jeremia 8:15

Miah henn koft fa fridda, avvah's is nix goodes kumma. Miah henn koft fa kayld vadda, avvah miah sinn yusht fagelshtaht vadda.

Jesoiya 59:9

So di leit iahra recht is veit vekk funn uns, un gerechtichkeit langd uns nett. Miah gukka fa gerechtichkeit, avvah alles is dunkel, fa helling, avvah miah lawfa im deefa shadda.

Jesoiya 51:20

Dei kinnah sinn ummechtich, si leiya am ekk funn alli shtrohs vi en hash es kfanga is in en net. Si sinn foll mitt em zann fumm Hah un em zank funn deim Gott.

Psalm 119:155

Di saylichkeit is veit vekk funn di gottlohsa, fa si heicha dei gebodda nett.

Psalm 85:9

Sei saylichkeit is geviss nayksht zu selli es een firchta, so es sei hallichkeit in unsah land bleibt.

Psalm 38:8

Ich binn matt un alles fadrikt; ich yammah veil mei hatz unruich is.

Psalm 55:2

Heich mich ab, un gebb miah andvat; ich binn engshtlich veyyich mei druvvel, un's is miah bang

Jesoiya 59:8

Da vayk funn fridda doon si nett kenna, di leit iahra recht is nett in iahra pawda; si henn iahra pawda grumm gmacht, un veah-evvah es druff lawft, kann nett fridda havva.

Jesoiya 59:14

Di leit iahra recht is zrikk gedrivva, un gerechtichkeit is veit vekk; di voahheit hott kshtolbaht in di shtrohsa, un ufrichtichkeit kann nett nei gay.

Glawk-Leedah 3:17

Ich voah kalda funn fridda havva; ich habb fagessa vi zu fraylich sei.

Nahum 2:7

Di kaynich-fraw vatt kfanga un vekk gnumma, iahra mawda yammahra vi en daub, un si shlauwa uf iahra brisht.

Psalm 119:150

Mei shneekichi fafolkah, sinn am nayksht kumma, si sinn veit vekk funn deim ksetz.

Nahum 2:8

Nineveh is vi en vassah-loch, un iahra vassah is am fatt lawfa. “Shtobbet, shtobbet,” Roofa si, avvah nimmand drayt zrikk.