Jesoiya 59:10 - Pennsylvania Dutch Bible

¹⁰ Miah langa naus fa di vand vi di blinda, miah feela unsah vayk vi selli unni awwa. Am middawk shtolbahra miah vi an dushbah, unnich di shteika, sinn miah vi dohdi.

Jesoiya 59:10 Referans Kwoze

5. Mosi 28:29

An di mitt fumm dawk zayla diah rumm shtolbahra vi en blindah mann im dunkla. Nix es diah doond zayld ausshaffa. Dawk noch dawk zaylet diah grawbt vadda un nunnah gedredda sei, un's zayld nimmand sei fa eich helfa.

Hiob 5:14

Di dunkelheit kumd uf si deich da dawk; si feela iahra vayk in di mitt fumm dawk vi im dunkla.

Glawk-Leedah 3:6

Eah hott mich gmacht im dunkla voona, vi selli es shund lang doht sinn.

1. Johannes 2:11

Avvah deah vo sei broodah hast, is im dunkla, lawft im dunkla un vayst nett vo eah am hee gay is, veil's dunkla sei awwa blind gmacht hott.

Johannes 12:40

“Eah hott iahra awwa blind gmacht un iahra hatza hatt gmacht, so es si nett sayna kenna mitt iahra awwa adda fashtay kenna mitt iahra hatza, un zu miah drayya es ich si hayl.”

Johannes 12:35

Jesus hott ksawt zu eena, “Es licht is bei eich fa noch en glenni zeit. Lawfet diveil es diah's licht hend, adda's dunkla kumd ivvah eich. Deah vo im dunkla lawft vayst nett vo eah hee gayt.

Amos 8:9

“In sellem dawk,” sawkt da Awlmechtich Hah, “mach ich di sunn unnah gay am middawk, un mach's dunkel deich da dawk.

Glawk-Leedah 4:14

Nau lawfa si rumm deich di shtrohsa, vi mennah es blind sinn. Si sinn so unrein gmacht mitt bloot, es nimmand iahra glaydah ohrayya dauf.

Jeremia 13:16

Gevvet hallichkeit zumm Hah eiyah Gott eb eah's dunkel macht, eb eiyah fees shtolbahra uf di dunkla hivla. Diah vinshet fa helling avvah eah macht's shvatz dunkel, un macht alles dreeb.

Jesoiya 8:15

Feel funn eena zayla shtolbahra; si zayla falla un di gnocha fabrecha, si zayla in di fall dredda un kfanga vadda.”

Shpricha 4:19

Avvah da vayk funn di gottlohsa is vi's dunkla, si kenna nett sayna vass si drivvah shtolbahra.

Jesoiya 8:14

Eah zayld en blatz sei fa leit aus di kfoah halda; avvah fa di zvay heisah funn Israel zayld eah en shtay sei fa si macha shtolbahra, en felsa fa si falla macha. Un fa di leit funn Jerusalem zayld eah en fang-shtrikk sei.

Jesoiya 28:13

Fasell zayld's vatt fumm Hah zu eena sei: du dess un du sell, du dess un du sell, dee adning un selli adning, dee adning un selli adning, bissel do un bissel datt, bissel do un bissel datt— so es si gayn un falla hinnahsich, vadda vay gedu, shtolbahra in di fall un vadda kfanga.

Ezekiel 21:15

So es iahra hatza shmelsa un feel falla, dann habb ich's shvatt fa shlachta an awl iahra doahra gedu. Yau, es is gmacht fa blitza vi gviddah, un in di hand gnumma sei fa shlachta.

Micha 3:6

Fasell zayld di nacht ivvah eich kumma, un diah greeyet kenn visions, di finshtahnis kumd unni ennich voah-sawwes. Di sunn zayld unnah gay fa di brofayda, un da dawk vatt dunkel fa si.