Jesoiya 55:4 - Pennsylvania Dutch Bible

⁴ Gukket moll, ich habb een en zeiya gmacht zu di leit, en evvahshtah un foah-gengah fa di leit.

Jesoiya 55:4 Referans Kwoze

Di Offenbarung 1:5

un funn Jesus Christus, deah vo en voah zeiknis gebt; deah vo da eahsht-geboahra is funn di dohda, un vo ivvah di kaynicha funn di eaht is. Zu eem vo uns leeb katt hott, un uns gvesha hott funn unsah sinda mitt sei bloot.

Daniel 9:25

Du solsht vissa un dess fashtay: funn di zeit fumm gebott fa Jerusalem viddah ufbauwa, biss da Messias, sellah ksalbt Evvahsht, kumd, zayld sivva mohl sivva, un sivva mohl zvay un sechtzich yoah sei. Jerusalem zayld viddah ufgebaut sei mitt shtrohsa un en grawva an di vand nohch, an en zeit funn druvvel.

Hebräer 2:10

Es voah yusht recht es Gott, deah vo alles gmacht hott un alles zammah haybt, een, da shtamm funn iahra saylichkeit, folkumma macha sett deich leida, so es eah feel kinnah zu di hallichkeit bringa kann.

Johannes 18:37

Da Pilawtus hott no ksawt zu eem, “Dann bisht du en kaynich?” Jesus hott ksawt, “Du sawksht es ich en kaynich binn. Fa dess voah ich geboahra, un fa dess binn ich in di veld kumma, fa zeiknis gevva zu di voahheit. Alli-ebbah es funn di voahheit is, heaht mei shtimm.”

Hosea 3:5

Shpaydah zayla di Kinnah-Israel zrikk drayya, un zayla da Hah iahra Gott un da Dawfit iahra kaynich sucha. Si zayla zumm Hah un sei gnawt kumma am ziddahra in di letshta dawwa.

Jeremia 30:9

In blatz funn sell, deena si da Hah iahra Gott, un iahra kaynich fumm Dawfit sei nohch-kummashaft, es ich ivvah si setza zayl.

Psalm 18:43

Du hosht mich aus em shtreit funn di leit gnumma; du hosht mich da eahsht gmacht ivvah di heida; leit es ich nett gekend habb sinn unnich miah.

Psalm 2:6

“Ich habb mei Kaynich eiksetzt uf mei heilichah hivvel funn Zion.”

Di Offenbarung 3:14

Un zu em engel funn di gmay in Laodicea shreib: ‘Dee sacha sawkt da Amen, da shtandhaftich un da voah zeiya, da ohfang funn vass Gott kshaffa hott.

Hebräer 5:9

Un vo eah folkumma gmacht voah, is eah di uahsach vadda funn ayvichi saylichkeit, zu awl selli es eem heicha.

1. Timotheus 6:13

Ich famohn dich hatt fannich Gott, deah vo layva gebt zu alli-ebbes, un fannich Christus Jesus, deah vo en goot zeiknis gevva hott fannich em Pontius Pilawtus,

Johannes 12:26

Deah vo mich deena vill, deah muss miah nohch kumma, un vo ich binn, datt soll deah sei es mich deend. Da Faddah dutt deah eahra vo mich deend.

Johannes 3:16

Fa Gott hott di veld so leeb katt es eah sei aynsishtah geboahranah Sohn gevva hott, so es awl dee vo an een glawva, nett faloahra gay sella, avvah sella ayvich layva havva.

Matthäus 2:6

‘Un du Bethlehem im land Judayya, du bisht nett's vennichsht funn di ivvah-saynah funn Judayya. Aus diah soll en govvenah geboahra sei es ivvah mei leit funn Israel sei zayld.’”

2. Thessalonicher 1:8

Eah kumd mitt feiyah-flamm un shtrohft selli vo Gott nett bekenna, un vo's Effangaylium funn unsah Hah Jesus nett heicha.

Epheser 5:24

Vi di gmay unnich Christus is, so losset di veivah sich unnich iahra mennah gevva in alli sach.

Johannes 13:13

Diah hayset mich Meishtah, un Hah, un sell is recht, veil sell is vass ich binn.

Johannes 10:27

Mei shohf heahra mei shtimm, ich kenn si, un si kumma miah nohch.

Johannes 10:3

Zu eem macht da deah-heedah di deah uf, un da shohf-heedah rooft sei shohf raus bei iahra nohma. Si heahra sei shtimm un eah fiaht si naus.

Jesoiya 16:5

No vatt en kaynich-shtool ufkokt in shtandhaftichi-leevi. En richtah zayld druff hokka in voahheit, aynah fumm Dawfit sei haus. Eah zayld recht richta, un di gerechtichkeit kshvind ausfiahra.

Ezekiel 37:24

Mei gnecht da Dawfit zayld kaynich sei ivvah si, un si zayla ay shohf-heedah havva. Si zayla mei adninga halda un lawfa in mei gebodda.

Ezekiel 37:25

Si zayla im land voona es ich zumm Jakob, mei gnecht, gevva habb, es land es iahra foah-feddah drinn gvoond henn. Si, iahra kinnah un iahra kinds-kinnah zayla datt voona fa'immah. Un mei gnecht da Dawfit zayld iahra feddahshtah sei fa'immah.

2. Samuel 22:44

Du hosht mich fumm shtreit funn mei leit kalda, un hosht mich kalda fa ivvah di heida sei; unbekandi leit sinn mei gnechta vadda.

Jesoiya 43:10

“Diah sind mei zeiknisa,” sawkt da Hah, “un mei gnecht es ich raus glaysa habb. Dess is so es diah vissa kennet, miah glawva kennet, un fashtay kennet es ich een binn. Eb ich, voah kenn gott gmacht, un's zayld kennah sei noch miah.

Jesoiya 43:12

Ich habb eich's fakindicht, eich raus kolfa, un eich's ksawt— es voah mich un nett en fremdah gott unnich eich; un diah sind mei zeiknis zu demm,” sawkt da Hah, “es ich Gott binn.