Jesoiya 51:14 - Pennsylvania Dutch Bible

¹⁴ Sellah es kfanga is, vatt glei sei aylend lohs, eah zayld nett shtauva im kellah-kfengnis, un zayld aw nett unni broht sei.

Jesoiya 51:14 Referans Kwoze

Jesoiya 48:20

Falosset Babylon, shpringet funn di Chaldayah! Greishet dess naus mitt frayt un losset's vissa. Shikket's vatt naus zu's end funn di eaht, un sawwet, “Da Hah hott sei gnecht da Jakob frei-kshteld.”

Sacharia 9:11

Un veyyich eich, deich's bloot funn meim bund mitt eich, mach ich di kfangana frei fumm loch unni vassah.

Jesoiya 52:2

Shiddel da shtawb ab. Shtay uf, Jerusalem, du es kfanga bisht; mach dich lohs funn di kedda um dei hals rumm, du kfangani dochtah funn Zion.

Jesoiya 49:10

Si zayla nett hungahrich adda dashtich sei, un di hitz un sunn dreft si nett. Sellah es bamhatzich is zu eena zayld si fiahra, un si an vassah-shpringa bringa.

Ezra 1:5

No henn awl dee sich grisht fa nuff gay un's haus fumm Hah bauwa in Jerusalem—di evvahshti funn di kshlechta funn Juda un Benjamin, di preeshtah un Lefiddah, un awl selli es ufkshtatt voahra im geisht beim Hah fa gay.

Jeremia 37:16

Da Jeremia voah in en kellah-shtubb gedu unnich em bodda, un voah datt en langi zeit.

Jesoiya 33:6

Eah zayld eich shtandhaftich halda an eiyah zeit, eah hald eich aus di kfoah un gebt eich veisheit un eisicht; di furcht fumm Hah is keshtlich zu eem.

Jesoiya 30:20

Da Hah gebt eich's broht funn dreebsawl un's vassah funn angsht, avvah eiyah leahrah zayla sich nimmi fashtekkeld halda; eiyah aykni awwa zayla si sayna.

Jesoiya 49:25

Vell, dess is vass da Hah sawkt: “Yau, kfangani kenna zrikk gnumma vadda funn di mechticha, un kshtohla sach kann gnumma sei funn di shteika. Ich zayl shtreida mitt selli es shtreida mitt diah, un ich mach dei kinnah frei.