Jesoiya 47:14 - Pennsylvania Dutch Bible

¹⁴ Gukket, si sinn vi shtubla im feld, feiyah brend si uf. Si kenna sich selvaht nett halda funn di graft fumm flamm. Si sinn nett vi kohla fa em veahma, adda vi en feiyah fa dibei hokka.

Jesoiya 47:14 Referans Kwoze

Maleachi 4:1

“Gukket moll, en dawk is am kumma es brenna zayld vi en offa. Awl di shtolsa un gottlohsa zayla sei vi shtroh, un sellah dawk es am kumma is shtekt si oh mitt feiyah,” sawkt da Awlmechtich Hah. “Es zayld nett en vatzel adda en nasht ivvahrich sei funn eena.

Nahum 1:10

Si sinn vi danna es deich-nannah sinn, un sinn ksoffa funn iahra vei, avvah si vadda ufgebrend vi drukka shtroh.

Matthäus 10:28

Feichet eich nett veyyich selli vo eiyah leib umbringa kenna avvah eiyah sayl nett umbringa kenna. Feichet eich avvah veyyich demm vo eiyah leib un sayl gans fadauva kann in di hell.

Ezekiel 15:7

Ich zayl mei ksicht geyyich si setza. Si sinn aus ay feiyah kumma, avvah doch zayld's feiyah si ufbrenna. Un vann ich mei ksicht moll geyyich si setz dann zaylet diah vissa es ich da Hah binn.

Jesoiya 41:2

Veah hott deah ufkshtatt funn di east, un rooft een in gerechtichkeit fa een deena? Eah drayt di heida ivvah zu eem, un macht een meishtah ivvah kaynicha. Eah macht si vi shtawb mitt sei shvatt un vi vind-gedrivva shprau mitt sei bow.

Jesoiya 10:17

Es Licht funn Israel zayld en feiyah vadda, un iahra Heilichah vatt en flamm; un's zayld di danna un hekka funn Assyria ufbrenna in ay dawk.

Di Offenbarung 18:21

No hott en mechtichah engel en shtay vi en meel-shtay uf gnumma un hott en in da say kshmissa un hott ksawt, “Grawt vi sell, mitt gvald, soll di grohs shtatt Babylon nunnah kshmissa vadda un zayld nimmi kfunna sei.

Matthäus 16:26

Vass dayt's en mensh goot du fa di gans veld an sich zeeya, un no sei sayl faliahra dideich? Adda vass soll en mensh fahandla fa sei sayl?

Obadia 1:18

Em Jakob sei leit zayla sei vi en feiyah, un em Joseph sei leit vi en flamm. Em Esau sei leit zayla sei vi shtubla im feld; si zayla fabrend vadda mitt demm feiyah. Es zayld nimmand ivvahrich sei fumm Esau sei nohch-kummashaft.” Da Hah hott so ksawt.

Joel 2:5

Mitt en yacht vi greeks-veyya tshumba si ivvah di berga; vi di yacht funn en hays feiyah am shtubla fabrenna, vi en mechtich folk es grisht is fa greek.

Jeremia 51:58

Dess is vass da Awlmechtich Hah sawkt: “Babylon iahra dikki mavvahra vadda nunnah grissa, iahra hohchi doahra vadda ohkshtekt mitt feiyah. Di leit shaffa hatt, alles fa nix; di heida veahra sich aus, avvah doch vatt alles fabrend.”

Jeremia 51:32

es di vayya deich di revvahra ivvah-gnumma sinn, es es shvamb-graws ohkshtekt is, un es sei greeks-gnechta fagelshtaht sinn.”

Jeremia 51:30

Babylon iahra greeks-gnechta henn ufkeaht fechta, si missa in iahra fashteikti bletz bleiva. Si henn kenn grefta may un sinn matt, si sinn vadda vi veibsleit. Babylon iahra heisah sinn ohkshtekt mitt feiyah, iahra doah-rikla sinn fabrocha.

Jesoiya 40:24

So kshvind es si geblanst sinn, so kshvind es si ksayt sinn, so kshvind es si eivatzla in di eaht, dann blohst eah uf si un si fadadda, un en vind-veahvel drawkt si vekk vi shprau.

Jesoiya 30:14

Si fald zammah in shtikkah vi eahdich ksha es alles fabrocha vatt. Si fald zammah in so glenni shtikkah es ma kenn grohs genunk shtikk finna kann fa en kohl ab fumm feiyah nemma, adda fa vassah aus en sistahn shebba.”

Jesoiya 5:24

So vi's flamm fumm feiyah shtroh ufbrend, un vi's drukka graws nunnah gayt im flamm, so fafaula iahra vatzla, un iahra blumma blohsa vekk vi shtawb, fa si henn's ksetz fumm Awlmechticha Hah nunnah gedrayt, un's vatt fumm Heilicha funn Israel fa'acht.

Jesoiya 33:14

Di sindah funn Zion sinn fagelshtaht, di gottlohsa ziddahra. Si sawwa, “Veah funn uns kann voona mitt em fazeahrich feiyah? Veah funn uns kann layva mitt ayvich brennes?”

Jesoiya 44:16

Dihelft fumm hols brend eah im feiyah, un kocht sei ess-sach mitt, eah kocht sei flaysh un est sich satt. Eah veahmd sich un sawkt, “Yau, ich binn voahm; gukk moll's feiyah.”

2. Mosi 5:12

So sinn di leit gans ivvah's land Egypta ganga fa shtubla geddahra so es si shtroh henn.