Jesoiya 46:5 - Pennsylvania Dutch Bible

⁵ Veah doond diah mich gleich-shtella un mich fagleicha? Mitt vemm messet diah mich es ich eem gleich sei soll?

Jesoiya 46:5 Referans Kwoze

Jesoiya 40:18

Mitt vemm, dann, fagleichsht du Gott? Mitt vass fa en ab-bild fagleichsht du een?

Jesoiya 40:25

“Mitt vemm doond diah mich fagleicha, es ich sei sett vi eah?” sawkt da Heilich Gott.

Psalm 89:6

Fa veah in di himla is gleich vi da Hah? Veah unnich di kinnah funn di mechticha is vi da Hah?

Kolosser 1:15

Eah is es gleichnis funn Gott vo ma nett sayna kann, da eahsht-geboahra funn alles levendiches.

Philipper 2:6

deah vo di folshtendich naduah katt hott funn Gott, un hott sich nett eigedenkt es en rawvah fa Gott gleich sei.

Jeremia 10:16

Da Gott fumm Jakob is nett vi dee; eah is sellah es alles kshaffa hott, un eah hott's kshlecht funn Israel, sei aykni leit gmacht. Sei nohma is da Awlmechtich Hah!

Psalm 113:5

Veah is vi da Hah unsah Gott, deah es hohch in di hay hokt,

Psalm 86:8

Unnich di gettah hott's nimmand vi dich, oh Hah, un's hott kenn verka vi deini.

2. Mosi 15:11

Veah unnich di gettah is vi du, oh Hah? Veah is vi du, in mechtichi heilichkeit, in vundahboahri lohb un in vunnahrichi kshefta?

Psalm 89:8

Oh Hah, Almechtichah Gott, veah is vi du? Du bisht mechtich, oh Hah, un dei shtandhaftichkeit is um dich rumm.

Hebräer 1:3

Da Sohn is da glanz funn Gott sei hallichkeit, es gleichlich bild funn sei naduah, un eah haybt alles zammah mitt sei greftich Vatt. Vo eah unsah sinda rein gmacht katt hott bei sich selvaht, hott eah sich anna kokt uf di rechts seit funn demm vo alli macht hott im haychshta.

Di Offenbarung 13:4

Si henn's dracha-diah ohgebayda, dess vo sei macht zumm leshtah-diah gevva hott, un si henn's leshtah-diah ohgebayda un henn ksawt, “Veah is vi dess diah? Veah kann greek macha geyyich dess?”