Jesoiya 46:4 - Pennsylvania Dutch Bible

⁴ Even biss diah ald un veis-groh sind, dann binn ich sellah es eich drawkt. Ich habb eich gmacht un zayl eich drawwa. Ich drawk eich un mach eich frei.

Jesoiya 46:4 Referans Kwoze

Psalm 71:18

Un nau even vann ich ald un groh binn, du mich nett falossa, oh Gott, biss ich dei macht fakindicht habb zu di kinds-kinnah, un dei graft zu selli es nohch kumma.

Psalm 48:14

Fa deah Gott is unsah Gott fa'immah; eah fiaht uns biss an's end.

Hebräer 13:8

Jesus Christus is es saym geshtah, heit un fa'immah.

Psalm 92:14

Un vann si moll ald sinn, zayla si noch bleeya, fruchtboah sei un gree sei,

Jakobus 1:17

Alli goot kshenk, un alli folkumma kshenk kumd funn ovva-heah, un kumd runnah fumm Faddah funn lichtah. Bei eem is kenn fa'ennahring, adda shadda es kumd funn sich drayya.

Hebräer 1:12

Du rolsht si uf vi en ivvah-rokk, un si zayla fa'ennaht sei. Avvah du bleibsht vi du bisht un dei yoahra zayla nee nett enda.”

Römer 11:29

fa di kshenkah un di beroofa funn Gott kenna nett fa'ennaht sei.

Maleachi 3:6

“Ich binn da Hah un ich du nett tshaynsha. Fasell sind diah, du nohch-kummashaft fumm Jakob, nett zu nix gebrocht vadda.”

Jesoiya 43:25

Ich, yau ich, binn sellah es eiyah ivvah-dreddes sauvah butza dutt fa mich selvaht; un ich denk nimmi an dei sinda.

Jesoiya 41:4

Veah hott dess gedu un's ausgedrawwa, veah hott di mensha iahra nohch-kummashaft groofa fumm ohfang? Es is mich, da Hah, da eahsht un da letsht. Ich binn Een.”

Jesoiya 43:13

Yau, funn ayvichkeit, voah ich Gott, un nimmand kann dess aus mei hand nemma. Vann ich shaff, veah kann's fa'ennahra?”

Maleachi 2:16

Da Hah, da Gott funn Israel, sawkt, “Ich hass es divorce-shreives. Ich hass vann ebbah letz dutt mitt unfashtand un's zu dekt mitt sei glaydah.” So sawkt da Awlmechtich Hah. So gevvet acht un brechet nett's bund es diah gmacht hend mitt eiyah fraw.

5. Mosi 1:31

un aw in di vildahnis, vo diah ksenna hend vi da Hah eiyah Gott eich gedrawwa hott, so vi en daett sei boo drawkt, deich da gans vayk es diah ganga sind biss diah an deah blatz kumma sind.”

Psalm 68:19

Glohbt sei da Hah, deah vo unsah lasht drawkt alli dawk; eah is da Gott funn unsah saylichkeit. (Sela)

Psalm 71:9

Shmeis mich nett vekk vann ich ald binn; du mich nett falossa vann ich kenn grefta may habb.

Jesoiya 48:12

Heich mich ab, oh Jakob, un Israel, dich es ich groofa habb: Ich binn een; ich binn da eahsht un da letsht.