Jesoiya 45:19 - Pennsylvania Dutch Bible

¹⁹ Ich habb nett hinna rumm kshvetzt, funn eiyets es es dunkel is; ich habb nett ksawt zumm Jakob sei nohch-kummashaft, ‘Suchet mich vo nix is.’ Ich binn da Hah un sawk di voahheit; ich sawk vass recht is.

Jesoiya 45:19 Referans Kwoze

Jesoiya 48:16

Kummet do zu miah, un heichet dess: Fumm alli eahshta habb ich nett hinna rumm kshvetzt. Funn di zeit es es blatz nemd, binn ich datt.” Un nau da Awlmechtich Hah hott mich kshikt mitt seim Geisht.

Amos 5:4

Dess is vass da Hah sawkt zu di leit funn Israel: “Suchet mich, no zaylet diah layva,

Johannes 18:20

Jesus hott ksawt zu eem, “Ich habb grawt fanna rumm kshvetzt zu di veld. Ich habb gebreddicht in di Yudda gmay-heisah un im tempel vo awl di Yudda zammah kumma, un ich habb nix hinna rumm ksawt.

Shpricha 30:5

Alli vatt funn Gott is voah; eah is en shield zu selli es eem drauwa.

Psalm 9:10

Selli es dei nohma vissa doon iahra fadrauwa in dich; fa du, oh Hah, falosht selli nett es dich sucha.

Jakobus 4:3

Diah frohwet un greeyet's nett veil diah frohwet mitt letzi gedanka, un veil diah's shpenda vellet uf eiyah aykni blesiah.

Shpricha 15:8

Es opfah funn di gottlohsa is grauslich zumm Hah, avvah di gebaydah funn di ufrichticha sinn eem kfellich.

Psalm 69:32

Di aylendicha sayna dess un sinn froh; diah es Gott suchet, losset eiyah hatza moot havva.

Jesoiya 8:19

Vann si sawwa zu eich, diah misset di voah-sawwah un zaubahrah frohwa, dee es pishbahra un mumbla un sawwa, “Sedda nett leit iahra Gott frohwa?” Favass sedda si di dohda frohwa fa di levendicha?

Jesoiya 1:15

Vann diah eiyah hend naus hayvet fa bayda, dann mach ich mei awwa zu fannich eich. Ich du dess even vann diah feel baydet; ich heich eich nett ab, veil eiyah hend foll bloot sinn.

Psalm 69:13

Avvah fa mich, oh Hah, mei gebayt is zu diah, an di zeit vann's diah shiklich is. In dei grohsi leevi, gebb miah andvat mitt dei grohsi saylichkeit.

1. Chronik 28:8

Nau fannich di awwa funn gans Israel, em Hah sei fasamling un di oahra funn unsah Gott, seind fleisich fa em Hah eiyah Gott sei gebodda sucha un halda, so es diah's goot land ivvah-nemma kennet, un's no ivvah-gevva kennet zu eiyah kinnah fa en ayvichi eahbshaft.

Johannes 7:28

Jesus, alsnoch am breddicha im tempel, hott no ksawt, “Diah kennet mich, un diah visset vo ich bei kumm. Avvah ich binn nett do funn miah selvaht. Deah vo mich kshikt hott is di voahheit un diah kennet een nett.

Johannes 7:26

Do is eah am grawt fanna rumm shvetza, un si sawwa nix zu eem. Kann's sei es di ivvah-saynah ausgmacht henn es dess is geviss Christus?

Jesoiya 63:1

Veah is dess es am kumma is funn Edom, funn Bozra, mitt sei rohdi glaydah? Veah is dess mitt feini glaydah, am fassich dredda mitt grohsi graft un gvald? “Es is mich, sellah es shvetzt in gerechtichkeit, un es mechtich is fa helfa.”

Jesoiya 45:23

Ich habb kshvoahra bei miah selvaht; 's vatt funn gerechtichkeit is aus meim maul ganga, un dess zayld nett zrikk gedrayt sei. Fannich miah zayld alli gnee sich beeya, un alli zung zayld shveahra.

Shpricha 1:21

See rooft naus in di yachtichi shtrohsa, an di doahra funn di shtatt sawkt see dee vadda:

Psalm 24:6

So sinn selli leit es een sucha, selli es sucha fa's ksicht fumm Jakob sei Gott. (Sela)

Psalm 12:6

Di vadda fumm Hah sinn pyuah, vi silvah kshmolsa in en eahdichah offa, sivva mohl greinicht.

Ezra 8:22

Ich habb mich kshemd da kaynich frohwa fa greeks-gnechta un geil-reidah fa uns aus di kfoah halda funn unsah feinda uf em vayk, veil miah ksawt katt henn zumm kaynich, “Di gnaydich hand funn unsah Gott is uf awl selli es een sucha, avvah sei shteikah zann is geyyich awl selli es een falossa.”

2. Chronik 15:2

Eah is naus ganga fa da Asa ohdreffa un hott ksawt zu eem, “Asa un gans Juda un Benjamin, heichet miah ab. Da Hah is mitt eich vann diah mitt eem sind. Vann diah een suchet, zaylet diah een finna, avvah vann diah een falosset, dann falost eah eich.

5. Mosi 32:4

Eah is da Felsa, sei verka sinn folkumma; awl sei vayya sinn recht. En shtandhaftichah Gott es nix letzes dutt, gerecht un ufrichtich is eah.

5. Mosi 29:29

Di sacha es hinna rumm kalda sinn heahra zumm Hah unsah Gott, avvah sell vass gvissa is heaht zu uns un unsah kinnah fa'immah, so es miah awl di vadda funn demm ksetz halda kenna.

Shpricha 8:6

Heichet, fa ich habb nohtvendichi sacha zu sawwa; mei leftz shvetza vass recht is.

Psalm 78:34

Vann eah da doht unnich si gebrocht hott, henn si Gott ksucht un henn sich zu eem gedrayt.

Jesoiya 43:12

Ich habb eich's fakindicht, eich raus kolfa, un eich's ksawt— es voah mich un nett en fremdah gott unnich eich; un diah sind mei zeiknis zu demm,” sawkt da Hah, “es ich Gott binn.

Jesoiya 44:8

Doond nett ziddahra un eich feicha. Habb ich's nett fakindicht un foahksawt lang zrikk? Diah sind mei zeiknis. Hott's en anrah Gott unni mich? Es hott kenn anrah Felsa; ich vays funn kennah.”

Jesoiya 45:25

Avvah awl di nohch-kummashaft funn Israel, zayld gerecht kfunna sei im Hah, un zayld sich froiya.

Jesoiya 65:9

Ich bring nohch-kummashaft aus em Jakob, un aus em Juda en eahvah funn mei berga; mei groofeni leit zayla's land eahva, un mei gnechta zayla datt voona.

Jeremia 2:31

Oh diah leit funn deahra zeit, heichet ab zumm vatt fumm Hah: Voah ich vi en vildahnis zu Israel, adda vi en land mitt grohsi dunkelheit? Favass sawwa mei leit, ‘Miah doon vi miah vella; miah zayla diah nimmi nohch kumma’?

2. Chronik 7:14

vann mei leit, es gnohmd sinn bei meim nohma, sich daymeedicha un bayda, vann si mei ksicht sucha un funn iahra gottlohsi vayya vekk drayya, no heahrich si fumm himmel, fagebb iahra sinda un hayl iahra land.