Jesoiya 44:25 - Pennsylvania Dutch Bible

²⁵ deah es di voah-sawwah zaycha zu nix bringd, un di zaubahrah dumm gukka macht, deah es di mennah mitt veisheit zrikk drayt, un iahra veisheit zu dumheit drayt,

Jesoiya 44:25 Referans Kwoze

Psalm 33:10

Da Hah macht da roht funn di heida zu nix kumma, un fadaubt vass di leit im sinn henn fa du.

Jeremia 50:36

En shvatt zayld ivvah iahra falshi brofayda kumma! Si vadda vi selli es nett ksheit sinn. En shvatt zayld ivvah iahra greeks-gnechta kumma! Si vadda fagelshtaht mitt grohsah angsht.

2. Samuel 15:31

Da Dawfit voah ksawt gvest es da Ahithophel im bund voah mitt em Absalom, so hott da Dawfit gebayda un ksawt, “Oh Hah, dray em Ahithophel sei roht zu dumhayda.”

Jeremia 51:57

Ich mach iahra feddahshti un mennah mitt veisheit ksoffa, un aw iahra evvahshti un hauptmennah un greeks-gnechta; si shlohfa ei un vekka nimmi uf.” So sawkt da Kaynich es Awlmechtich Hah hayst.

Jesoiya 29:14

Fasell zayl ich dee leit nochamohl fashtauna, mitt vundah noch vundah. Selli mitt veisheit zayla iahra veisheit faliahra, un da fashtand funn selli mitt goodah fashtand zayld fagay.”

Daniel 4:7

Vo di hexa-meishtah, di foah-sawwah, di zaubahrah, un di Chaldayah kumma sinn, habb ich eena da drohm fazayld, avvah si henn miah nett sawwa kenna vass ah gmaynd hott.

Daniel 1:20

In awl di sacha funn veisheit un fashtand es da kaynich si kfrohkt hott diveyya, henn si zeyya moll so en goodi andvat gevva es di hexa-meishtah un foah-sawwah in seim gans kaynich-reich.

Jeremia 49:7

Veyyich Edom: Dess is vass da Awlmechtich Hah sawkt: “Hott's kenn veisheit may in Theman? Is da roht faloahra ganga unnich di shmeahda? Is iahra veisheit fafauld?

2. Chronik 18:34

Da greek is may veesht vadda sellah dawk un da kaynich funn Israel hott sich ufkshteibaht in seim vauwa un hott sich gedrayt mitt seim ksicht geyyich di Syrians biss ohvet. No vo di sunn unnah ganga is, is eah kshtauva.

2. Chronik 18:11

Awl di anra brofayda henn aw so gebroffetzeit, un henn ksawt, “Gaynd un fechtet Ramoth-Gilead un nemmet's ivvah. Da Hah zayld's im kaynich sei hand gevva.”

2. Samuel 17:23

Vo da Ahithophel ksenna hott es sei roht nett ausgricht voah, hott eah sei aysel ufksaddeld un is noch sei haymet ganga in sei shtatt. Eah hott sei sach alles ausgricht, no hott eah sich kanka. Eah is kshtauva un voah fagrawva in sei daett sei grawb.

2. Samuel 16:23

In selli dawwa voah em Ahithophel sei roht ohgnumma es vi vann ebbah Gott selvaht frohwa dayt. Sell is vi da Dawfit un da Absalom awl zvay em Ahithophel sei roht gnumma henn.

2. Mosi 9:11

Di hexah henn nett fannich em Mosi shtay kenna veil si kshveahra katt henn, fa di kshveahra voahra aw uf di hexah grawt vi uf awl di Egyptah.

1. Kaynicha 22:37

So is da kaynich kshtauva un voah zrikk an Samaria gebrocht. Datt voah eah no fagrawva.

Hosea 9:7

Di dawwa funn shtrohf sinn do; di zeit fa betzawla is do. Israel soll dess vissa. Veil eiyah sinda so feel sinn, un eiyah hass so grohs is, dann is da brofayt fanumma es en nah, un da geishtlich mann es farukt.

Micha 3:7

Di foah-sayyah zayla sich shemma, un di voah-sawwah vadda fashpott. Si zayla iahra meilah zu dekka, veil si kenn andvat greeya funn Gott.”

4. Mosi 23:23

Zaubahrei gayt nett geyyich da Jakob; un kenn voah-sawwes geyyich Israel. An di recht zeit vatt's ksawt veyyich em Jakob un veyyich Israel, ‘Saynet vass Gott gedu hott!’

Jesoiya 19:3

Di Egyptah zayla moot faliahra, un vass si ausmacha fa du bring ich zu nix; si frohwa roht funn iahra abgettah, di geishta funn di dohda, un funn voah-sawwah un zaubahrah.

Sacharia 10:2

Di abgettah sawwa dummi sacha, un di voah-sawwah sayna visions es leeya, si fazayla iahra falshi drohma, un iahra drohsht maynd nix. Fasell, lawfa di leit rumm vi shohf, un sinn in druvvel veil si kenn heedah henn.